Dêr't ik allinnich bin. Allinnich dêr't ik allinnich bin. Mei heechút in bist. Allinnich. Gjin minsken om my hinne.
op it wurk
yn in lege kûpee
thús
oan 'e boalserter feart
Allinnich. Yn de folsleine ferbjustering om de gedachte. Dy't dan tins wurdt. As in dronken drinkeldeade. My fêsthâldend oan it stamke yn 'e stream. In wurd.
sittend efter in buro
mei de knibbels tsjin 'e jiskebak
de fuotten op 'e hûn
mei de kont op 'e hikke
Fiif, seis kear jiers. Net faker.
[pagina 353]
[p. 353]
mei de bril sakjend op 'e noas
swittend op 'e sigen sittend
skellend op 'e hûn yn it burd omtyskjend
sweltsjetippend yn 'e feart
mei de rook fan sintrale waarmte
fan baarnde peuken
keamerplanten
jarre
op in blau systeemkaartsje
in âlde telegraaf
de gemeentestem
it bûsboekje tsjin 'e hikkepeal
Dêrt de lju west hawwe. Komme sille. Skriuw ik de fersen. Fiif, seis kear jiers. Net faker.
Auteursrechtelijk beschermd