Trotwaer. Jaargang 10

[p. 104]

Oene Spoelstra
Seis cellosuites fan Bach

Die 6 Suiten für Violoncello solo BWV 1007-1012
Henry Honegger, violoncello

Cello dat brúnglânzgjend liif
hurder aloan en kleijend
dounsjend as wetter
sarabande fan snie

myn ear leit syn wenstich patroan
oan bannen en harket
snijt justjes in snaer troch it hert
sneed fan deagewoan wûnder

dit lânskip in plaetsje mesyk
Suite I-G dur op bistel
sûnder stopplak fjirder rinne
fan klank oer byld nei gefoel

dûbelsnarich herhelling; flecht;
- ik stút myn eagen
trienwetter ûntkeart it forstân
skruten biweech ik myn hân
hokker gesicht
fan juster of moarn

dit mesyk lelt it wêzen bleat
dit mesyk rint oer de dea hinne
swartkleurich flewiel net minder
as wit ik hwat kin net bineame

dizze stadige streek, dizze rop
leit syn hân om my hinne
ik lit my ynmoedich nimme
wit net hwerhinne