Trotwaer. Jaargang 9

[p. 314]

Jelle Kaspersma

Winter 1962-1963

nel in strieminne teelt
fol rein en stoarmen
hat de winter
de sé by staveren de bek boun

yn it opper fan de ôfslach
kypje de nikkel-prûmkjende
en van nelle-smokende fiskerlie
ûnder de rânne fan harren klotsen wei
de fierte yn
dêr't mokken omsweve
faeks leit it dêr iepen

de stive eastewyn
twingt de hânnen yn 'e bûs
en de froast hat de kotters
oan 'e wal soldearre
der is neat to forstriken
de beugen binne butke
foar piksjitten is it to kâld

forgees harkje hja moarns ier
nei it earste sein fan de maittid:
de iisbrekkende teiwaerwyn

[p. 315]

Bûtsykje

dou en ik
rinne
om't wy it thús langer net bankje koene
oer de dyk
dy't fryslâns fuottenein omklammet

fiif sintimeter snie
kreaket ûnder ús klompen
de froazige stilte wier

yn 'e bidelte rjuchts
streekje de troch swart iis
oermastere sleatten
harren runen oan 'e kym ta

lofts leit kâld
de swijende dea fan it wetter
dat inkeld stoarne merkels priisjoech

de sinne lit him net sjen:
it waer stiet hjoed forkeard foar poëzij

sadré't de joun yn 'e loft komt
gean wy sûnder bút
op hûs oan en
rinne ús niis-makke printen
- de maten 26 en 29½ -
bylâns

[p. 316]

Foar in bern

Omsirkelje de berch hoeden

hwant de berch is freonlik

tink oan de iepen delling

oan de oare kant

tink troch de berch hinne

oan de iepen delling oan de oare kant

faken is der gefaer dêrre

of kwea yn dat iepen fjild

tink yn in sirkel

om dizze freonlike berch hinne

en dré sil de berch dan

wurde as krystal

en dou silst de iepen delte sjen

troch de krystallen berch hinne

en alle wierheit fan berch

en delling sil dines wêze

en omsirkelje de berch hoeden

en rin hoeden

dy delling fol frede yn
der't it herte fan krystal

syn wente hat

Peter Blue Cloud
(oerset fan Jelle Kaspersma)