Om it fuortbistean fan it frysk literaire tydskrift Trotwaer mooglik to meitsjen hat de Trotwaerredaksje de Koperative Utjowerij frege om him ta help to wêzen. De Koperative Utjowerij hat op de ledegearkomst fan 20.12.1975 tasein de Trotwaerredaksje skewiele to wollen.
Dêrta is de folgjende oerienkomst tusken de Trotwaerredaksje. bisteande út Willem Abma to Ljouwert, Bartle Laverman to Baffelt, Geart van der Meer to Annen, Alex Riemersma to Grins en Trinus Riemersma to Frjentsjer (hjirnei to neamen ‘de redaksje’) en de Koperative Utjowerij to Ljouwert (‘de útjower’) opmakke:
Algemien:
1.
It literaire tydskrift Trotwaer sil yngeande 1 jannewaris 1976 troch de Koperative Utjowerij útjown wurde.
2.
De útjower en de redaksje sille har hâlde oan de troch CRM en de provinsje stelde en to stellen easken oangeande honoraria en minimum tal siden en nûmers.
3.
De redaksje - en net de útjower - is forantwurdlik foar de ynhâld fan it tydskrift. De redaksje forplichtet him ta it op 'e tiid leverjen fan de kopij.
4.
De útjower is forantwurdlik foar de eksploitaesje en de foarmjowing fan it tydskrift en forplichtet him ta it ôfmeitsjen fan de rinnende jiergong.
5.
De redaksjeoanfolling en it ôfgean fan redaksjeleden is in saek fan de redaksje. By skeel ditoangeande of it net fine kinnen fan geskikte kandidaten hat de redaksje rjocht op de help fan de útjower. Nije redaksjeleden wurde op 'e hichte brocht fan dizze oerienkomst. In takomstige redaksje yn oare gearstalling is ek boun oan dizze oerienkomst.
6.
Redaksjeleden en meiwurkers fan it tydskrift - foarsafier't hja gjin lid fan de Koperative Utjowerij binne - binne net forplichte om har wurk yn boekfoarm by de útjower út to jaen.
7.
Leden fan de Koperative Utjowerij binne net forplichte om har wurk yn Trotwaer to publisearjen. Foar harren jildt it normale abonnemintstaryf.
8.
Dizze oerienkomst rint 31 desimber 1980 ôf: partijen binne dan wer frij fan inoar, of it moat wêze dat hja yn de rin fan 1980 op 'e nij in oerienkomst foar fiif jier oangeane. Foar mooglikheden ta tuskentiids opsizzen sjoch de kêsten 10, 18, 19, 20 en 21.
Organisaesje:
9.
It tydskrift sil op syn minst seis kear yn it jier forskine, op yn de
[pagina 63]
[p. 63]
bigreatingsgearkomst fêststelde tiden. De nûmers sille meiïnoar op syn minst 350 siden bislaen. Achtet de redaksje it winsklik of needsaeklik om fan it tal nûmers of tal bledkanten ôf to wiken, dan wurdt der oerlein mei de administrateur en de útjower om in oare regeling to treffen.
10.
As de redaksje der net foar soarget dat de kopij op 'e tiid by de printer is, en gjin oermacht oantoane kin, hat de útjower, dy't him forplichtet foar de abonné's en de subsidyinten oer om de rinnende jiergong ôf to meitsjen, it foech om dêrta in regeling to treffen, leafst yn oerliz of yn alle gefallen nei oerliz mei de redaksje.
Foar it bigjin fan de folgjende jiergong sil dan bisjoen wurde oft der tusken de útjower en de redaksje noch genôch bitrouwen oer en wer bistiet om op basis fan dizze oerienkomst fierder op to arbeidzjen. Sa net, dan binne der mei yngong fan it nije jier fjouwer mooglikheden:
a.
der wurdt in nije oerienkomst oangien:
b.
de redaksje seit de oerienkomst op en lûkt it rjocht fan útjefte oan him:
c.
de redaksje heft himsels op en draecht alle redaksjonele rjochten en plichten oer oan de útjower:
d.
de útjower seit de oerienkomst op en draecht it rjocht fan útjefte oer oan de redaksje.
11.
De administraesje en it finansjele bihear fan it tydskrift wurdt troch de útjower útbistege oan in administrateur, dy't yn oerliz mei de redaksje bineamd wurdt, en lid fan de redaksje en/of fan de Koperative Utjowerij wêze kin. By it oangean fan dizze oerienkomst wurdt Bartle Laverman to Baffelt as administrateur bineamd.
12.
De útjower regelet yn oerliz mei de redaksje en de administrateur de foarmjowing fan it tydskrift, de útfiering derfan en it taforsjoch derop.
13.
De honorearring fan de administrateur, foarmjower en redaksjesekretaris, en de posten, útbitelling en maksimale hichte fan de deklaraesjes fan de redaksjeleden wurde nei oerliz mei de administrateur en de redaksje fêstlein troch de útjower yn it ramt fan de bigreating fan it kommende jier.
14.
Alle jierren wurdt de wize fan birekkenjen en útbiteljen fan de honoraria fan de meiwurkers oan it bigjin fan de jiergong yn Trotwaer publisearre.
15.
De útjower hat it foech om op alle stuiten de finansjele biskieden yn to sjen en om de administrateur by finansjeel wanbihear to ûntslaen.
16.
De redaksje hat it foech om de útjower to forsykjen om de
[pagina 64]
[p. 64]
administrateur fan syn taek to ûntheffen.
17.
De útjower, de redaksje en de administrateur komme alle jierren yn jannewaris/febrewaris gear. Yn dy gearkomst wurdt de yn- en útjefterekken oer it ôfroune kalinderjier, dy't troch de administrateur opmakke is, oerlein. De bistimming fan in eventueel foardielich saldo wurdt yn oerliz tusken de útjower en de redaksje fêststeld.
18.
Yn in gearkomst fan útjower, redaksje en administrateur yn septimber leit de administrateur oan de útjower in bigreating foar it kommende jier foar dy't er yn 'e mande mei de redaksje opmakke hat. As partijen it oer de bigreating net iens wurde kinne, hawwe beide it foech om de oerienkomst by it ôfrinnen fan de jiergong op to sizzen.
Opsizzen fan de oerienkomst:
19.
De útjower hat it foech om de oerienkomst op to sizzen en it rjocht fan útjefte oan de redaksje oer to dragen, as hy fanwegen oantoanbere finansjele skea de noed fan it tydskrift net langer op him nimme kin. De útjower is lykwols forplichte om to stean foar de rinnende jiergong.
20.
By faillissemint fan de útjower falt it rjocht fan útjefte de redaksje daliks ta. Sa mooglik warskôget de útjower dat der in faillissemint oansteande is.
21.
It opsizzen fan dizze oerienkomst en it oerdragen fan rjochten en plichten kin allinne skriftlik en sil net barre sûnder foarôfgeand petear tusken de beide partijen. Utjower en redaksje ha beide it foech om bimiddeling fan it provinsjale bistjûr fan Fryslân, subsidyint fan it tydskrift, yn to roppen by skeel dat liede kin ta it opsizzen fan dizze oerienkomst.
Slot:
22.
Dizze oerienkomst is opmakke yn twa gelikense eksimplaren, beide troch de útjower en de redaksje ûndertekene.
Dien to Ljouwert, 10 jannewaris 1976
KOPERATIVE UTJOWERIJ REDAKSJE TROTWAER
(ûndertekene troch A. Feitsma en P.J. Sikkema (K.U.), W. Abma, B.J. Laverman, G. v.d. Meer, A. Riemersma en Tr. Riemersma (Trotwaer)).
Auteursrechtelijk beschermd