Trotwaer. Jaargang 8

[p. 38]

Tr. Riemersma
De swatte kot

óp utselde stuit liet syn foet ut gaspedaal los en trape óp de rem (ut lichem set him teskoar de honnen ferstiivje óm ut stjoer) of ómtrint fonself vont ut dwórret un heale sekónde jert de netfluezen ut berjócht tróchjûn ha oan de hassens (dyt kollemvoi sitte te preuveljen kóm ut is mooi rêsteg óp strjitte sútreg vaar matst tinke de lju sitte gapjend bij de tillefyzje of maitsje risselvaasje) ynienen ut bwadskip tróchkrygen DUR I VOT hendels oerhellen en teleksberjóchten stjoerden noi olle úthannen fon ut lichem: STOP (de refleksen havve minder faasje os ónares tocht vurt dur binne un hijslek soat prûvven moi nómmen yn ruslon en amearyka de réaksjefaasje nimt ô noi ut sekstjende ier bij jónges en bij famkes noi ut achtjende fólvûksenen fon fjitteg ha ol dûbbeld safólle tiid noareg mwaans twa oeren noit mun fon ut bêd ô kómmen is réageart mun ut hudst)

hij óntsponde de spieren en besocht un klear oardeel te krijen oer vot dur gebeurd vji un kwatte apstrakte gearfotting: dur rón ynienen un swatte kot oer de dyk en hij skrók him un óngeluk (sju dêr rint de kot oer ut trotwaar hij sjut óp noch óm hij vurt voi yn un stege) hij vji net tefreden moi de útdrukking óngeluk healdea vji better of ut apelazeres hij vji him ut aperotlazeres skrókken (dut vji un oanvizing dot ur ver bij sûp en stút kwaam de easte kjellens vji ur tebóppe hij makke him drók óm de beneaming dvs de fijlegste ferpakking fwar un rotteg gefoel MAR PREMATUER)

begónnen dêr ynienen syn honnen te triljen de tósken klapperen ópenwar kôde grillen oer de lea foelen os lilke hûnnen de syken jagen him (un flap ljocht fon koplampen moi jankende tûtter gysele ten óm him hinne dyt yn ut fwarbijgean op de fwarhólle viisde) hij mannevrearde de auto tusken twa bjemmen oan de kônt fon de grêft en stiik un sygret oan (dot is un ôde remeedzje kóm soi hait os ur net vist hût ur ut fwarenwar febryke sû east mar un piip ópstekke)

hij sette de motor ô en stapte út. óp de hûkke fon de strjitte vji un kefee. hij trjode de doar óp un skille klingele fjauer mônlje moi oerjossen oan en petten óp sieten te katen de kefeehôder hóng oer de taap. hij nóm un pilske

[p. 39]

ik mat mij net oanstelle ut hat neat óm de hakken rón tafolleg no ja moi dy kot dêr rinne ik mat mij net oanstelle moi ús mem ken tafolleg vest net oanstelle bij mij hingjen bleon mar mat mij net oanstelle un oar minske fonself ja dy sû him fonself ek skrókken mar dot is vól dúdlek dot elkenien ot dur ynienen un kot dot sû un oar ek sa gean don vurst kjel mar ik mat dur tjidder dot sû un oar sû gevoan frekte kot vot vaar ik dêr kjel fon dy frekte mar net fjidder tinke dot is net réeel ik mat ut even sinke pilske drinke sinke litte rêsteg pilske drinke net prakkeseare

(dur vji gin mesyk de katers besochten de dóbbe fon stilte te sljóchtsjen: Massesheare. Sjukkem oedoi. Kwittent. Kwitter neat fon. Vji dyderek? Godfer geemje. Vòsoist? Evòsû tvêze. Dû slûdder moi de brómmer oede hasses. Vjisto drek. Kaneat fenómmen. De fljutter vófaker. Sivóssa vêze. Ma dozneat nijs. Kanònet bijmvest. Vji ómme zoazeksa. Ja. Ferdoarje. Vò tsûdder vólle? Ti zómme zollejè stien em betón. Kinder mooi vod barre. Ljo ma net. Zôde trûp. Slatter netten sin tút. Harke. Ji nò fjauer)

(flash-back) hij bwatte achterhûûs moi skepke en oar ark yn ut tún dur vjinnen brúnne flinders óp de gaudsjeblómmen hij siet se noi moi ut ammerke de klómpen hji ur útskópt hij kû se nóit fange hij soi dómme dómme. hij gie yn de grippel sitten tusken vwattels en sypels hij diig de klómpen oan hij slûg moi ut skepke de skwattel fon de sketsdoar hij rón achter de blikken lôns noi de sleat dêr vji un stolt óm twanders te fiskjen en faak oare bên vjinnen dêr en ijnen en blabber óm te griemen. dêr kwaam ôde neel oan se soi jónkje hij moi net bij de sleat hij mat gau noi mem ta gean. hij soi hôre bek ôre viif hij swôide moi ut skepke óm him hinne se dwast him net te pakken. hij gyng plot óp ut liif óp ut stolt lezen dur vjinnen grymelbeestjes dyt oer ut vetter krybelen en michjegwód en slakjes djip del óp de raidstólen dut is un vrôd vêrt de grutten gin veet fon havve har vurk en drókten se sjugge de vónders net se róppe a ba hôr óp fon griemen kóm dêr voi. dêr vji ynienen mem se rûûp kóm dêr voi kóm dêr voi o jónge matst fersûppe se raamde him bij de hûûd en sleepte him de stege

[p. 40]

tróch se moate en ôle os vji dur vit vot o neeltsje dy jónge fersûpt noch us o têke dy jónge rekket noch us dea ut vurt myn dea ek noch us dy jónge têke dóg vot dur kwamen nije skwattels óp de doar

ik hji noch vól sin oan un pilske ja ik nim noch ien ken mij neat skele dot is better vont ot ik oas ken ik better even ja ken ik fólle better ja dot is ut bêste. moi ik noch ien, frege ur. de krûgbaas sponde spieren fon skónken en rêg en kwaam krimmenearend oerijn fon de taap vêrt ur moi de jerremtakken óp lyne (de draglinemasynist hellet de hendels oer de lieren sponne dur gjit un triljen tróch ut stielen beest ut krêket en stint yn de gevrichten lûkt ut hynder yn de bêge de syle spont ut keat ut tiksel hwat rjócht de tsjellen vringe piipjend óm de ossen kómt de gryper swier fon de grûn swôit fonsyden de minsken spotte oan de kônt swôit bij de bjemtakken lôns en lit de grutte bek sakje) sjblyft

(flash-back) júlly achtenseksteg brussel ut rijnde dot ut mygde se kûnnen net un kônt út fon de kemping ô spield gelukkeg vji dur un jeugdherberg se bókselen de stêd tróch temin sinten óm faak oan te stekken dur vji un ôd viif yn un hokje helendol yn ut swat se lies de takómst fwar fiif gûnne. ut vji un raar petret se fantasearden letter se hji un iizderen bh óm en un swatte brûk moi gaudbeduersel hij jûg har fiif gûnne se beség syn hôn se soi nee se diig ut brjifke yn syn hón se drukte de hôn ta se soi ge moet weggaan ut vji un goar viif se vôsk har nóit har liif vji brún fon de smwargens (fantasearden se) se soi ge hebt mij niets betaald ik heb u niets gezegd vot un ôd fel ut vji grif gin echt gaud vot se yn de earen hji en rare êgen yn de kop dur strúnde un swatte kot -

ollegjer romers óp de planke mat ik mij óp kónsentreare óp vot oas mat ik net oan tinke ollegjer gleskes en flessen mat ik noi sjen mat mij óntsponne ik sit gevoan ik drink ik tink net dur is neat te tinken gekke dingen is ónsin sjit mun neat moi hat mun olinne ik sjug gleskes en óp de flessen ja ken ik mij better óp kónsentreare dêr stjit te lêzen bearenburg mat ik lêze jónge bokma mat ik olinne dot is

[p. 41]

ferbij mat ik ferjitte moi óphôre daleks de kop rint jun dur mat un ijn oan kómme mat gevoan seze ho net mear tinke oan dot hat nóit sa vest mem hat nóit soin dot is nóit gebeurd têke dy jónge hat se net soin is net vier têke ut loit mij óp de lea dot is net sa dot haf ik droomd of samar betocht hat se nóit mat ik ferjitte ken sa ôd vurre vól hûndet ier mat mij net ópvyne óntsponne olinneg mar sjen lêze stjit flesse lêze net tinke stjit lêze vodka mat ik olinneg mar net tinke hat se nóit soin dot ik jóng nee lêze vodka is rare droom self bang maitsje ôdvivepraat MAT kónsentreare

(Lêsen nò sjoen. Sûnnezen fisk. Skytmerakels. Doong kaat? Neu pos. Dod meubel fom bakker. Pos. Spui trekken tyn. Viemaitsje. Bizbedóndere. Issent môl. King gebeure. Vê dòttòn? Hearegod. Dod mêgere skerminkel. Do nò ien jelle. Va sitteryn? Ik vè feself Dò zópgelegen. Dmoi dij barre. Vè ja vèrómment. Do jaust)

binne glinsterjende plakjes lampeljocht óp de flessen de keizer jónge moi un skenktútsje sónnema dur loit un romer sónder poatsje boomsma sytroen un viete hondûk un kwarkjevipper oan un spyker hinget oan un spyker ónhônsem smwarge kófjekópkes spul katen un bósk kôien lytse fleskes te prónk stoffeg kop dur bij hôre stoffeg beaujolais rosé advokaat johnnie walker AT 9 o ja fonself hennessy relsky puschkin mat net ôdwale rum plantiac teepontsje moi lytsjild hee vot soit dy kearel net noi harkje kónsentreare ut is net vier ut is nóit gebeurd teepontsje ja fonself hat dy mon ijgelek núvere kop sil ur self ek vól vitte mooie ôde kassa is jild vurg ik nim noch ien ik mat ijgenlek fwót ik gooi dur un bats bier bóppe óp ut mat fwótspiele mat dur oerhinne stappe ut is klearebarre ónsin moi ik noch ien

ken dur ek neat oan dwan tinkt krekt sat ut vól yn myn hassens dógge net vot ik sees is net te kearen ken ik net keare kómt hytekear veróm mat dur útbane útsnije is net te kearen, ken mij ek neat mear skele tink ik ut mar sil mij net ópvyne ik sit lekker myn pilske te drinken ut gjit bwótten mij óm ik haf ut net vóllen ik viis olle ferontvudlekhyd ô (nee menear haf ik net besteld dot vitte jo

[p. 42]

blinderse goed os jo myn oantekene brief lêzen ha un oantekene brief menear ik ha olinne myn hôn set fwar ut ynde-kunde-kómmers-bûk à f 3,90 en fjidder neat menear ik ha skreon dot ik fjidder neat vinskje te óntfangen mar dut bûk moi ik lykegoed hôre moi heegachting oantekene en de afysje ek ik haf ut bevyske fon de post os jo ut net ljowe vólle don mar net ik sil dur gin sliep óm brekke mar ik ston yn myn RJÓCHT jim besykje elkenien un poat út te lûkken mar dot slagset dut kear net IK BIN NET FERPLICHTE ÓM MEAR BÛKKEN TE KEAPJEN ik stjoer noch gin jild mar vachtsje de spesjale gierokaat ô dot vot vólle jo? un kapytaal fersin maitsje jo menear ik sees ut fwar jo ijgen bêst liiflek geveld hôr ik net fon ik protestear en sil dot noch skriftlek dwan moi myn advokaat ik akseptear dusse sending net vot jo bij mij yn de góng klappe vólle is myn swarg net ik ha vól oare dingen oan de hólle bosken joaden en súdafrykaanders ik ston jir os ut flijsvurren protest mar ik sil gin finger noi jo útstekke ol klappe jo de hele góng fól bûkken gêsmesynen túnark pwatten en ponnen systeemkaten fwar ytensieren dopkôien en stekkôien ik lit ut mooi leze te rotsjen jo kenne ut skielk mar ver óphelje moi hingjende poatsjes haha vont ik ston yn myn RJÓCHT ik haf jim óp de tiid ôskreon ik hûf gin postsegel te plakken en krij gin besyte oan hûûs jo kenne ut skielk mar ver óphelje mar os de hûn dur yn óm fretten hat of de kot dur óp skyten don is dot myn saak net jo klappe jo rotsooi mar del ik ston dur fólslijn bwótten)

(flash-back) hij fytste noi hûûs ut vji simmer de boeren yn ut hea hasteg oan ut lûûgjen dur sieten tóngerkoppen oan de lóft dur skeat ynienen un swatte kot de dyk oer flak fwar ut tsjel hij kwaam út de vôl sjitten ut vji bij de brêge skeat ur ynienen út de vôl hij sû de bócht óm oer de brêge skeat ur ynienen de mage krómp ynenwar de kot stode fwar de fyts lôns de mage knypte ut

[p. 43]

soer ómheeg hij mûst slókke ut voislókke ut rotgefoel hij jage os un beest os un gek noi hûûs dur ken neat gebeure dur is neat gebeurd ut is net vier ut hat neat te betsjutten ik mat mij net drók maitsje ut is ollegjer goed vot sû dur vêze dur is neat te rêden ik mat mij neat viismaitsje ut is tafolleg ut soit neat fytste os un gek noi hûûs ut vji un jeloere hij kû net hudder. dût ur tús kwaam vji mem dea

mun óntspont east de tjennen de fwótten de kútten de billen don de fingers de jerrems mun lit de útijnen fon juns lichem ta rêst kómme mun makket jun olle spieren bevust mun fielt ut hat yn juns ribbekos myn finger jûkket ik klau net ut gjit ver oer de rêg dógt sear ik ha te spond sitten ut skasjerret vól mun vurt loom en tefreden de hassenkrónkels raitsje út de ties de hûn jaut him del yn de koer ut rijnt bwóttendwarren de lju gónne óp bêd

(flash-ahead) hij gysele os un gek de dyk del 120 stie ur óp dut is un test fon fijleghydsrymen oan de ijn fon de baan is un mwórre dêr stonne filmkameras dyt ut proses fêstleze dut sille rij skielk yn ut sjoernaal sjen (geflúster óm jun hinne dur skúffelje noch gwódden de seal yn dur is un mon moi un knypkot) east sjugge vij un póp dyt yn de rymen sit de auto knalt tsjin de mwórre oan kolk en stjinnen dónderje óp de moterkap de póp fjerret óp mar bljoot yn de rymen hingjen selde prûf sónder fijleghydsrymen - menear dut is un fersin jim havve mij yn de auto set yn pleats fon un póp dut is mooi libbensecht mar dêr haf ik myn hachje net fwar oer sa stóm sû ik nóit vest ha óm myn rymen te ferjitten ken ik dus út noch yn net oan moivurkje sókke stómme streken binne dot óm mij radyografysk te bestjoeren en moi un frôi smûl yn ut sjoernaal te ferkundegjen dy kloat hji syn rymen net fêst dut is un aaklek goare rotstreek vêrt ik tsjin protestear óp grûn fon de kónfinsje fon geneve vij binne jir yn un frij lôn menear ut is gin spanje ruslon of amearyka vêrt jo elkenien mar fon kônt maitsje kenne gin minske sil sónder vetteg proses yn gefangenskip of tsjin de mwórre set vurre óm net te praten fon dutsoate sek súeel

[p. 44]

misvûksen faksistyske praktyken ik easkje dot dut gedónder daleks óphôrt oas sil ik ut hegeróp besykje dur is noch rjócht yn dut lôn - olle viizders gyselen yn ut rûn dur kwaam un óntsettende vurgens oer him de honnen glieden fon ut stjoer hij flêg bij ut trotwaar óp tsjin de mwórre oan ut moterblok vaar ynenwar drukt de kap rimpele os un harmoanyka hij skeat os un projektyl tróch ut fwarrút tróch de mwórre hij kwaam del naist un tafel dur stie un stoof moi un banende têst (anakronisme)

ik vû vól ôrekkenje, soi ur. de krûgbaas kryge un pwatlead en rón de streekjes noi. ik mat de kop durbij hôre en net bênachtege óptinksels ôdvivepraat dot ónkóntrolearber út tsjustere tiden dût de minsken har ferstón noch mar amper dut is dúvelbonners en lykstaasjes vêrt un nófteren minske mat dur óm gnize. trije seksteg soi de mon

hij stapte yn de auto en ried fwót de kop koel hôre en mij net moislepe litte tróch oantinkens tafollege dingen dyt neat bevize mat mun jun net tróch út ut fjild de kop koel en nófteren gevoan stómtafolleg dot un kot kómt tûzen kear ot mun oerol don kû de grutste ónsin kû mun net un poat mear fon húús

dur rón ynienen un swatte kot oer de dyk ut foel os iis yn syn hassens os un mes tusken de nekvervels ferstive ut lichem de honnen knypten ut stjoer de spieren ferkrampten de knibbels lûken rjócht hij vôde ut gas oan de bwaiem ta jert de auto de mwórre rekke en syn ribben óp ut stjoer briken de kop tróch ut rút oan smóts vji dur noch un tefreden gedachte de óre viven krije gelyk