Trotwaer. Jaargang 8

[p. 36]

Eppie Dam
Fersen

Pisje

Dyn lyts wyt pimeltsje
boppe de stjonkende pisbak
fol peuken fan jonges út de seisde
dreamdest dyn dreamen
fan knapen fan pilen
en ûnbidige poelen pisje kinne

it krobke oer de muorre
kroep dripkjendewei omheech en
knoopke foar knoopke
forburchst dyn lytse ellinde
yn de stiltme fan dyn broekje
- Hwat brûze it spielwetter fû! -
dyn sokken
makken in wiet spoar
nei de trêdde ta

[p. 37]

Reiske

songst algeduerigen ‘we zijn er bijna’
mar kaemst der eins noait -út en troch
in sigarefabryk lofts en rjochts in plak-
boek fol beammen en dat hiet dan in bosk

karkest mar troch om it ien en it oar
to forbinen in doarp mei in doarp de
stêd mei de stêd boarterstún dieretún
sûnder rjocht it krekte forbân to finen

(hwat bleau dy
it bêste eins by?)

theo hie tsien stikken bôlle mei otto
in letter fan in sinteklaes of hwat lyn
master op mâlwite gimpys juffer de boksen
omheech en fierders dy molkbusfol ranje miskyn

mem stiek as in sloppe flagge de hân
nei dy út in tút bisegele har soarch
en dyn antwurd alhiel neffens plan kaem
in dei letter mei de groeten út Noarch