Trotwaer. Jaargang 7

[p. 62]

Berber van der Geest
Fersen

Prate

wy prate
oer jan roppert en syn maet
en noch hwat ûnbilangryks

de tiid rekket grouwélich op

[p. 63]

Tiid

de tiid driget en
twingt my de rêch tsjin 'e muorre:
hannen omheech
dan rjochtet er de loop op myn libben
stadich komt er tichterby
ik fiel syn asem al oer myn antlit gean
en huverje
de tiid wint en sil my gnizend achter litte

[p. 64]

Rin troch

rin troch
troch strjitten en oer wegen
rin troch en sjoch it hear mar oer
rin troch hwant om de neiste hoeke
dêr leit dyn lok grif op'e loer

set troch
dyn lichum yn'e oanfal
set troch en hâld de kop der foar
set troch hwant yn de fierste fierte
dêr leit dyn lok achter in iepen doar

gean troch
as lijen en ellinde
dy troch de hannen gean en gûl
gean troch hwant ek de langste nacht
giet oer en komt it lok dyn ienichst doel

mar as
mar as..

as der gjin hoeken binne dy't bergje
as der gjin fierte útnoegjend wankt
as gjin doel dy langer mear oansprekt
hwat dan hwat dan?

rin troch
troch strjitten en oer wegen
rin troch en sjoch it hear mar oer
rin troch en meitsje it dy noflik
rin troch
dit libben giet fansels wo[l ber..]

[p. 65]

Ha ha ha

op'e hoeke
stiene seis swarte manlju
mei swarte huodden op
neargeastich oer'e foet to hippen
hja wachtten fol ûngeduld
op d'oanfang fan de deadsseremoanje

ik seach se
mar net de wein dy't kaem fan rjochts
mei piipjende remmen stie'k stil
de seis swarte manlju gnysken

[p. 66]

 

soms is it

 

oft ik net mear waechs

 

oan'e woartel fan myn bistean

 

de dagen binne tsjuster

 

de sinne komt net op

 

ik bin forwylge

 

ta in toarre staek

 

en soppen komme net mear yn my

 

foartiid wurd ik brutsen

 

fan de wyn

 

en dwarrelje del

 

 

 

noch even

 

dan klinke fuotstappen

 

en fortrêdzje

 

en...

 

ik ben net mear