Trotwaer. Jaargang 7

[p. 12]

R.R. van der Leest
Twa fersen

Nuver fanke

stapte ôf
lei har fyts yn it gers
gyng op de teannen stean
luts in tûke nei har ta
snúfde oan de magnoliablom
stapte op
ried falsk fluitsjend fierder

[p. 13]

Leafdefortriet

yn 't âld kafé
dronk ik myn lêste pils
doe't ik it glês
heve foar de alderlêste swolch
seach ik dyn antlit
omkrânzge fan skom
dwers troch de boaijem hinne
bliid sette ik it del
dou wiest fordwoun
ik rôp de ober
en bistelde noch mar ien