Trotwaer. Jaargang 7

[p. 2]

[Nummer 1]

Jehannes Fortuyn
Twa fersen

De put

De Greate Tsjerke
wurdt sa moai..
as nij!

Mar De Put dan?
hwa makket De Put
wer brûzjend as eartiids?
Schönfeld? Nubé?
as foarmannen fan harren generaesje?

Roosje, hwêrom is it sa stil
op 'e Put?
Roosje swijt al jierren dea

Foar Schönfeld en Nubé
bitsjut fascist
gjin mislediging
dêrom
is de Put sa stil

[p. 3]

Revolusje

Hammerslaggen
hammerslaggen!
sil' beton en izer brekke
frije minsken
yn it lân

Sizels pylkje
troch it koarn
ripe halmen yn ús earmen
bruorren, hwat in laits is hjir!