Trotwaer. Jaargang 5

Redaksjesit Willem Abma

Yn Frysk en Frij ha in pear birjochten stien hwêr't ik hjir foar de goede oarder efkes op werom komme wol.

De saek is net botte wichtich, mar de skiedskriuwing easket wol dat misforstannen út 'e wei romme wurde.

Dêrom hjir in part fan de notulen fan de Trotwaerredaksjegearkomste fan 3-5-1971 opsteld troch H.R. Heite en mei ûndertekene troch Josse de Haan.

[p. 370]

Tydskriften

Willem Abma hat oardelmoanne redakteur west fan Trotwaer: ‘ik haw ien redaksjegearkomste meimakke...... doe bin ik der útstapt om it geyntrigear fan Leo Popma.’ Alternatyf hat er ek in lyts jier ynsitten. ‘Ik wol net oeral op ôfjaen. Lit it mar sa, dêr wol ik net tofolle oer prate. Alternatyf hat myn formule wol hwat...... Lykele Jansma is wol in knappe keardel. Mar ik kin net oer him.

Wol wier seit Willem

Wy bitwivelen yn ús foarige nûmer, oft Willem Abma wol redaksjelid fan Trotwaer west hie, lykas yn it ynterview steld wie. Dit nei oanlieding fan in ynstjûrd brief. Undertusken hat ús Gysbertpriiswinner mei fotokopiën oantoane kind, dat hy yndied redaksjelid west hat.

Net wier, Willem?

Willem Abma, de winner fan de Gysbert Japicxpriis, hat wol oandacht krige. Frysk en Frij, de Strikel en it Friesch Dagblad hawwe petearen mei him publisearre. Op tongersdei, de dei fan it útrikken fan de priis, sil ek in karlêzing fan it bêste wurk út ûnderskate bondels fan Daniël Daen (syn pseudonym) by de Ku. útkomme, mei as titel: ‘Bûten it skûlliif.’ Yn dit forbân is it noch wol aerdich om werom to kommen op in útspraek



fan Willem Abma yn it ynterview yn Frysk en Frij. Dêr stie dat hy al nei ien gearkomste út 'e Trotwaerredaksje stapt wie, om it geyntrigear fan Leo Popma. Frysk en Frij hat lykwols in brief krige fan in net neijer to neamen Trotwaerredaksjelid mei in oare lêzing fan it forhael. Willem Abma hat nea yn 'e redaksje sitten. Der hat al in ynformative gearkomste west, mar dy forroun sadanich dat Willem der ek net ynkaem. Neffens ús briefskriuwer lei him dat net oan it ‘geyntrigear fan Leo Popma’ mar oan de binaudens fan Willem Abma foar in earlike diskusje.

[p. 371]

Notulen van de redaktievergadering van Trotwaer, 3 mei 1971, 20-23.15 uur, in ‘De Kroon’, Leeuwarden.

Aanwezig: Willem Abma, Adry van Hijum, Leo Popma, Rinze Klinker, Josse de Haan en Remco Heite.

Abma, Van Hijum en Popma hebben op de uitnodiging de Trotwaerredaktie aan te vullen positief gereageerd. Klinker is gevraagd te komen praten over de vormgeving van het blad.

Op de dag van de vergadering blijkt een brief binnengekomen van Leo Popma, waarin hij verklaart de oude lijn van Trotwaer, die voor een groot deel bepaald werd door persoonlijke geschillen, niet voortgezet te willen zien. Hij vraagt zich af of in dit verband ‘de naam Abma’ in de redaktie het blad goed zal doen. Heite zegt de bezwaren van Popma te delen. Abma reageert nogal emotioneel. Van Hijum stelt voor in geval van beoordeling van kopij van polemische aard niet een meerderheid van stemmen te laten beslissen, maar bij twee tegenstemmen de kopij als afgewezen te beschouwen. Later op de avond zal Abma meedelen dat hij zich terugtrekt. Hij acht het niet verstandig plaats te nemen in een redaktie waarvan twee leden zijn polemische bijdragen in de Trotwaer-supplementen wantrouwen en hem slechts met enige reserve als redaktielid aksepteren. Abma verlaat dan de vergadering.

Er wordt een kommunikee voor de krant opgesteld:

1.

Sûnt 30 april bistiet de redaksje fan ‘Trotwaer’ út (alfabetysk): Josse de Haan, Remco Heite, A. van Hijum en Leo Popma.

2.

Mei de útjower is kontraktueel fêstlein dat de earste trije nûmers forskine moatte op 15 juny, 15 augustus en 15 oktober 1971; foldocht de útjower hjir net oan dan nimt de redaksje it blêd oer en siket in oare útjower. De kontinuïteit fan it útkommen is hjirmei garandearre. It tonielnûmer, dat noch ûnder forantwurding fan de twamansredaksje falt, is yntusken ûnderweis. Op 15 desimber moat it lêste nûmer fan '71 forskine.

[p. 372]

Konklusjes:

1.

Willem Abma soe yn 'e redaksje fan Trotwaer, mar hy hat him werom lutsen. Abma hat dus net oardelmoanne yn 'e redaksje fan Trotwaer sitten.

2.

Leo Popma hie neffens it yn 'e notulen neamde brief (hokker brief yn it Trotwaerarchyf opnaem is) gjin persoanlike biswieren tsjin Willem Abma mar tocht dat nei de twa suppleminten yn 1970 de namme Abma in nij bigjin fan Trotwaer gjin goed dwaen soe. Intrigeren bitsjut neffens myn wurdboek: ‘met listige achterbakse middelen en kuiperijen zijn doel trachten te bereiken.’ Omt noch út it Trotwaer-archyf, noch út persoanlike forslachjowing fan A. van Hijum bliken docht dat Leo Popma oan it yntrigearjen west hat, moat Willem Abma of it wurd yntrigearjen forkeard brûke of hy sprekt de wierheit net.

BARTLE LAVERMAN