Trotwaer. Jaargang 4

Meidielingen

Honoraria

De addisionele honoraria foar 1971 fan it Fonds voor de Letteren binne dit jier via de redaksjeskriuwer oan de meiwurkers oermakke. De honoraria fan de útjower foar bydragen oan jiergong 1972 binne foar it greatste part ek oermakke, de rest folget op koarte termyn. Ek yn 1973 bitellet de útjower foar poëzij f 8, - de side, foar proaza etc. f 12, - de side, foar yllustraesjes f 10, - de side.

De honoraria foar bydragen oan Operaesje Fers dy't yn de jiergong 1971 fan Trotwaer ôfprinte binne, bin okkerdeis yn ien bidrach oermakke oan de skathâlder fan O.F. De ôfhandeling dêrfan giet fierders bûten de Trotwaerredaksje om.

Administraesje

De administraesje fan Trotwaer is m.y.f. 1-11-1972 oergien nei B. Laverman, w.s. Wetterblom, Heerestreek, Bedum (gr.).

De nije administrateur forsiket de lêzers dy't dit nûmer (1972-7) net op it goeije adres krigen ha en de lêzers dy't nûmers út dizze jiergong alhiel net krigen ha, him hjirfan per omgeande tynge to dwaen.

It ynbarren fan it lêzersjild sil tonei per akseptgirokaert barre. Lêzers dy't oer 1972 neffens de boeken noch net bitelle ha, ha al sa'n kaert krigen. It lêzersjild sil tonei yn it bigjin fan it jier ynbard wurde, sadat ek de honoraria fan 'e meiwurkers flot bitelle wurde kinne.

De lêzers wurdt minlik forsocht to biteljen foar de op de stoartingskaerten oanjowne datum.

Utjefteplan 1973

It útjefteplan fan Trotwaer foar 1973 is gelyk oan dat fan 1972: der sille wer seis nûmers forskine, to bigjinnen mids febrewaris om de twa moanne.