Trotwaer. Jaargang 3

[p. 22]

A. van Hijum/Fersen

Tael.

Deade fûgels
in gat yn 'e holle
troch de skeinde loft
dy't swier is fan triennen
In symptoom.

Wurden wiene libben
mar bringe allinnich noch
fûle aeijen yn novimber
en dan wurdt it al winter.

Fers.

Hurde swarte muorre
in to swiere taek foar de wurden
fan de dichter
útskreaun yn it moaiste hânskrift
dat de dekadinsje foarskriuwt

moai moat hja weze
in kreas liif moat hja ha
en de maten 92 - 42 - 92
hwant it komt krekt

en it lyk stiet fêst
al to lang boppe de groun
hwant it stjonkt al
mar de maten jowe de trochslach
swart.

[p. 23]

Leafde

De sweltsjes fan de nocht
oan dyn waerme frouwelichem
swypsturtsje troch myn bloed
dyn boarsten sa ticht by my
stjûre
in hite flam troch myn krús

sweltsjes fan nocht
boarsten sa ticht by my
ik bidoel

ik bidoel oars neat
as dat ik in man bin
en dou in frou
en ik wol dastou myn bêd
waerm makkest.