Trotwaer. Jaargang 2

[p. 14]

[p. 15]

La mise en mots
fan Tiny Mulder

Siz leafde tiid dea en en of,
nei bileaven to keppeljen;
riuw bêd feest grêf of of en,
weagje it derop.
Mazzel tov,
seit de rabbyn
tsjin it breidspear.

Siz skuld spyt forjowing
en sjoch hoe ast dy
yn 't lykwicht krijste
mei nei en foar.
Dou sjochst mar,
seit de dominé
tsjin de dopeling
yn de namme fan trije
alwittenden.

Shakespeare brûkte neffens de computer
29066 forskillende wurden,
leafde it meast,
ek withoefaek dea,
komselden bigrepen.