Trotwaer. Jaargang 1

[p. 34]

[p. 35]

L.C. Jansma / Rotterdam

Hjirby in - ik hoopje net to lytse - foto.
Myn personalium: Gosse Jansma is in pseudonym; fan in pseudonym kinne Jo oer 't generael net folle sizze.
De foto is ek heal en heal in pseudonym omt ik nou it burd net draech. Nei de fakânsje haw ik my wer hielendal skeard.

Dize

Myn hûs stiet allinnich nou

lûd fan fûgels

komt earne wei

hwer't de treppen

fan 'e galerij

de ivichheit yngeane

baron von Münchhausen

giet op reis

de dei is lyts

ik koe him dizze moarn even

tusken tûme en wiisfinger hâlde.