Trotwaer. Jaargang 1

[p. 120]

Dokumintaesje

(L.C. 13-2-1969)
Jiskefet - Trotwaer?

Yn de lêste ‘Tsjerne’ (dés. 1968) hat in, nochal groffe, réaksje stien fan Tr. Riemersma op ûnderskreaune syn artikelen yn ‘A-Wyt’, ‘De Stiennen Man’ en it boekefeest-Manifest. Deselde redaksje hat, wanmoedich genôch, it net opbringe kinnen it rjocht fan werwurd yn to skikken en nim it stik der tsjinyn fan my op. My tinkt, jiskefetmethoaden.

De publikaesjemooglikheden binne foar it Frysk net sa great. Graech wol ik, foar't der mooglik misbigryp ûntstiet oer it weibliuwen fan in wjerlizzen fan T.R.'s heldensang yn ‘Trotwaer’, dizze ‘heldendie’ buorkundich meitsje. Ljouwert.

G. Abma.

(L.C. 15-2-1969)
Oh, oh, oh, dy Abma.

Ofskrift fan it brief fan de redaksje fan ‘Trotwaer’ oan de hear G. Abma, Nijlânsdyk 225 b, Ljouwert: Wyns, 5 febrewaris 1969. Achte Hear Abma, Hjirby moat ik jo jou ynstjûrde kopij retournearje. Der wie yn de redaksje gjin mearderheit foar opnimmen. Unanym wiene de leden fan bitinken dat jo de kâns fan replyk jown wurde moast. Op dat stânpunt stiet de redaksje noch. De foarm dêr't it artikel lykwols yn útroun is, wie foar de measten net akseptabel. Ynsté fan dan ek dúdlik man en hynder to neamen, bigjinne jo wer mei in einleas stik dizenich geklets. Der wie kopij weirekke - nammen svp; kranteresinsinten - nammen svp. Miskien kinne jo in oersichtliker, biheinder en saekliker artikel opstelle, dat de man yn kwestje klear yn it ûngelyk stelt. Wy wachtsje graech op jou antwurd. Mei achtinge, w.t. L. Popma, Red. skriuwer.

Wyns

L. Popma.