Trotwaer. Jaargang 1

[p. 52]

Jan de Nie / Diogenes

op alle hoeken fan de diken stiet in man
dy't skrousk oan 'e skouders lûkt
de himel flokt
mar hwa't er oansprekt - minsken fynt er net
en yl spint syn forfeling nije wegen
nijmoadske huzen stoarje blyn it asfalt oer
en alle strjitten dêr't er rint
hingje de lampen oer - noch baernend
op har lêste fjûr jitte hja rynsk
har skaden oer it pún fan ieuwen
en de absurde stielen bôgen fan in berneboartersplak
steane op wacht foar in biskaving
slegs vir blankes