Trotwaer. Jaargang 1

[p. 51]

Joop Boomsma / The bird

net to gripen
wjukt in fûgel fier fan d' ierde
in idle toan
in saxofoan
the bird: charlie parker

al to dimmen
klinkt syn alto hast ascetysk
in skriemende wikel
sêft is syn jazz
the bird: charlie parker

warleaze knipte fûgel
forgees sykjend nei forskûl:
in koart libben hurdrinne
nei selsforneatiging

boppe syn muzyk
driuwt jimmeroan in wite fear
hallusinaesje
fan dy klacht,
the bird: charlie parker

‘now 's the time
take us to birdland’