Trou moet blijcken. Bronnenuitgave van de boeken der Haarlemse rederijkerskamer 'de Pellicanisten'. Deel 8: de boeken I, N, M en R

(1998)–Anoniem Trou moet blijcken– rechtenstatus

[Grooten Honger ende Goeden Appetijt]

Ga naar margenoot+Een Ander Tafelspel Van Twee personages Den eenen Genaemt Grooten honger Ende Dander genaemt Goeden appetijt

Grooten Honger beghin
 
O het sonneken beghint sijn cracht te roeren
 
het welck stelt hem nu fijn op onse sijen
10[regelnummer]
tis Lustich uuijt Die wint achter den Dijck te Loeren
 
o het sonneken
 
maer Die nickker verblint pas Deese boeren
 
datse niet en sien als in verleeden tijen
 
o het sonneken
15[regelnummer]
het weer stelt
 
maer godt betert die boeren en mogen ons niet Lijen
 
aen alle sijen beghinnen sij rebel te Leven
 
och sij plaegen van outs soo wel te geven
 
nu werden wij verdreven met grooten hoopen // al
20[regelnummer]
Ick en weet schier niet waer ick Loopen // sal
 
om mijn te bedroopen wal / want ick moet scrensen wat
 
van honger werden schier mijn pensen plat
 
mocht ick mijn wenschen wat Te Litsenborch binnen

 
25[regelnummer]

Ga naar margenoot+daer soutmen noch wel goe Luijden vinnen
 
die ons souden beminnen sonder eenich versijcke
 
maer ick moet nochtans soecken een ander practijcke
 
wat ick dus veel kijcke / wat macht mijn vroomen
 
holla ghinder sie ick Daer een uuijt stadt coomen
30[regelnummer]
sout ick hem wat stroomen / ick kenne hem wel
 
Ick hiet u wellecoom mijn oude gesel
 
non habes in vel / pro manla goet

Goede Appetijt
 
Gebrect u Dat oick dats seeker soet
35[regelnummer]
want grooten honger doet mijn schier claegen
 
Ick heb in die stat geweest wel vier Daghen
 
ick sal niet van hier Draegen / dan Idele Darmen

Grooten Honger
 
Jae est volck nu al sonder ontfaermen
40[regelnummer]
eij Laci wacharmen / wij blijven int geween plaen
 
ick wil nochtans met een moet daer heen gaen
 
willen sij in reen staen / sij sullen ons nu mee wat deelen
 
want ick salder gaen op dees clapbeenen speelen
 
Leckkere morseelen / sal ick daer raepen dan
45[regelnummer]
compt gaet mee wilt mijn vercnaepen / man
 
wij sullen daer raepen tjan veelderleij Dinghen

Goede Appetijt

Maer wat soude ick Doen

Grooten honger
 
Maer een Lietgen fraij en Jent singen
 
en Laet die caij springen // vrij uuijt den mow
 
singt eens en ick sal u helpen / nu
 
ick wedt Jow / dat wij vruecht ontknoopen

Goede Appetijt

Wat sal ick singhen

Honger ende Apetijt beijde singende
 
Eenen eesel sullen wij coopen
60[regelnummer]
die sal Draegen wijff en kint
 
achter Lant soo sullen wij Loopen
 
Daer men die groote stickken vint
 
compt in Doorde wel gedaen
 
ghij sult certeijn met corte woorden
65[regelnummer]
een schotel met een cnoop ontfaen

Grooten honger
 
Heij wat segt ghij daer aff is dat quaelick geraen
 
gesoon en gebraen / crijgen wij sonder betaelen

Goede Appetijt
 
Jae Lieve man het sal u seeker faelen
 
ghij sult niet haelen / noch sulcxs niet proeven
 
tvolck sal seggen siet dese twee sterke boeven
 
godt moetse bedroeven / soo sijnse geneegen
75[regelnummer]
het volck en is niet soo sij pleegen
 
dus ben ick versleegen / boven die maet

Grooten honger
 
Wel wat sullen wij dan doen en weet ghij geen raet
 
ick wert schier Desolaet / van honger die mijn gaet quellen
80[regelnummer]
maer hoort / en hoorden ghij in die stadt niet vertellen
 
van eenijge gesellen die daer feest hielden
 
waren daer geen bruijloften // off en aetmer geen gilden
 
dat wij Daer stilden // ons hongerich beswaeren

Goede Appetijt
85[regelnummer]
Jae ick ick hoorden altijt wel verclaeren
 
dat soude vergaeren / die van die Retorijck

Grooten honger Goede Appetijt

Die van die Retorijck Jae

Grooten Honger
90[regelnummer]
Bij gans paert gaen wij daer bij gelijck // fijn
 
ick wedt ick practijck vijn / om daer bij te geraeken

Goede Appetijt

Hoe souden wijt beghinnen

Grooten Honger
 
Maer wij sullen ons Retrosijns gaen maeken
 
Ick sal Die saeken wel aerdich beschickken

Goede Appetijt

Jae wij sijn Die Rechte Luijden

Grooten Honger
 
Ke sijt maer stout Wilt niet verscrickken
 
wilter op mickken // het sal ons baeten
 
maer wij moeten vreemde cluchten weeten te praeten
 
boven maeten gelijck sij altijt Doen

Goede Appetijt
 
Wat ick sal gaen preecken een aerdich sermoen
 
segt arme Loen / wat moechdij staen couten
 
wij sullen daer noch eeten gebraeden bouten
 
ick sal mijn voor aen stouten sonder verdrieten
110[regelnummer]
Ick sal grooten honger en ghij appetijt hieten
 
wij sullens genieten / vrij onbenijt

Grooten Honger
 
Maer wat wij sijn te beroijt int habijt
 
wij sijn tscaep quijt / nae mijn gewach

Goede Appetijt Grooten Honger

Te beroijt segdi Jae

Goede Appetijt
 
Och Lieve man dat is Den rechten slach
120[regelnummer]
soo reijn als Den dach // sal ickket ons bestieren
 
dat wij Dus beroijt sijn van clieren /
 
dat sijn Die manieren om sulcxs te bedrijven
 
wij sullen ons naem op ons borst gaen scrijven
 
ick sal u gerijven / sonder vermijen
125[regelnummer]
wat Lieve man elcxs sal hem bij ons vlijen
 
vrij sonder benijen dat weet ick wel
 
hout daer sullen sij seggen // smijt dat in u vel
 
u hongerich gestel // wilt nu vrij wreeken
 
Ick brengt u eens goet Appetijt al sonder spreeken
130[regelnummer]
elck een sal ons steeken // het eeten Int Lijff

Grooten Honger
 
Het sal seeker sijn een aerdich bedrijff
 
ick volch u motijff / sonder spaeren / man
 
sonder beswaeren tjan / sal ick van dese vont groijen

Goede Appetijt

Want Retorijck // practijck / sal uuijt onse mont vloeijen

 
Ga naar margenoot+wilt u ter stont spoeijen // als een vroom page
 
wij sullen Deese brieven neemen tot een chierage
140[regelnummer]
want nu Lijck ick een persoonage / reijn en Jent

Grooten Honger
 
Het sal seeker staen soo excelent
 
seer pertinent // hebdij Die fantasij bestaen

Goede Appetijt
145[regelnummer]
Sij sullen meenen wij hebbent van boeverij gedaen
 
dus Laet mijn begaen // ick wet wij gebraen / swijnen en wijnen
 
aensiet sullen wij niet Retrosijnen // schijnen
 
stickken van hijnen / mijnen // wij Daer sonder gelt

Grooten Honger
150[regelnummer]
Laet ons sien wat hebdij daer gespelt
 
wat dat vermelt // sonder sneeven
 
waij nu grooten honger staet hier gescreeven
 
recht aerdich bedreven // Lustich en secreet
 
en mijn dunct dat ick goe appetijt heet
155[regelnummer]
noijt beter besceet en machmen bedincken

Goede Appetijt
 
Wij sullen quansuijs ons selfs tot een present // schickken
 
eeten en Drincken crijgen wij sonder failleeren // vaer

Grooten Honger

Maer wat sullen wij seggen

Goede Appetijt
 
Maer dat sij ons niet moogen ontbeeren // daer
 
off sonder cesseren claer / druck hem aencleeft
165[regelnummer]
want als een mensch geen goe appetijt en heeft
 
dan soo leeft hij / met een bedroefden moet
 
maer heeft hij grooten honger dat is oick seeker goet
 
soo smaect hem teeten soet / sonder eenich verdriet

Grooten Honger
170[regelnummer]
Wat wij sullen seggen sonder ons ist al niet
 
dat hier is geschiet hoort mijn bewijsen
 
want wat vruecht soutmen hebben van spijsen
 
alsmen ons niet sach rijsen // om Druck te boeten

Goede Appetijt
175[regelnummer]
Wil ick u seggen wij moetense Int eerste groeten
 
tot haerder versoeten / hout u wat staetich

Grooten honger
 
Neen gaet ghij voor ghij sijt wat preelaetich
 
Ick sal u maetich / volgen achter an

Goede Appetijt

Wel ick sal voor gaen bij sint Jan

 
Ga naar margenoot+wient best can // sal den ander heerlick verwijten
 
ick hoop wij sullense nu wel Deerlick beschijten

Grooten Honger
 
Die heer Der heeren Die wil u seegenen
 
en geven u sijn godtlijcke graci meede
 
Dattet hemels broot op u moet reegenen
 
gelijck het bijde kinderen van Israhel oick dede

Goede Appetijt
 
Hij Die Adam beloofde die eewijge vreede
 
Doer sijn groote goetheijt genaedich
 
hem toe seggende met soeter seede
 
Dat hij hem niet soude sijn versmaedich

Grooten Honger
 
Hij die Abraham was doer sijn genaede beraedich
 
hem beloovende tsaet groot en machtich
 
Die wil u van sonden sijn ontlaedich
 
en maeken u sijn rijck Deelachtich

Goede Appetijt
 
Hij die David tot een coninck crachtich
 
geroepen heeft en oick vercooren
 
die wil u Doer sijn goetheijt sijn gedachtich
 
en Laet u sijn eewijge blijschap hooren

Grooten Honger
 
Ghij gilden altsaemen om vreucht te / orbooren
 
dat ghij u sout tot Jubileeren / keeren
 
daerom coomen wij hier sonder verstooren
210[regelnummer]
om dat ghij sout u triumpheeren meeren

Goede Appetijt
 
Ghij en moecht ons geensins onbeeren // heeren
 
want sonder ons waer vruecht onscaect
 
wij Laeten u niet met ons absenteeren / Deeren
215[regelnummer]
dus coomen wij bij u ongelaect

Grooten Honger
 
Buijten mijn is geen warschap te recht volmaect
 
dus mijn herte haect / bij u te weesen // fijn
 
veel Luij van mijn // van siecten geneesen // sijn
220[regelnummer]
dus in deesen schijn // coem ick u verstercken
 
want waer waerschappen sijn in eenijge perken
 
daermen mijn niet en mercken wiltet verstaen
 
daer is cost en moeijten te vergeefs gedaen
 
dat is plaen / Dus toon ick mijn als Den meest

Goede Appetijt
 
Ick moet oick sijn in elcken feest
 
salt hebben een geest datmen hier hoveert reijn

 
Ga naar margenoot+oick wertet Dickwijls van groote hansen begeert // pleijn
230[regelnummer]
haer druck cesseert cleijn // als ick haer ben ontrent
 
dus most ick oick sijn in dit rigement
 
off that al een ent // al haer vroolickheijt waer fantazij

Grooten honger
 
Eij siet toch waerom ghij
235[regelnummer]
sijt ghij soo vrij // van uwen beschickke

Goede Appetijt
 
Jae Jae ick wedt ghij beter sijt dan ickke
 
hoort toch dit stickke ick sal u Liever toe nijgen

grooten Honger
240[regelnummer]
Mennich gaffer groot gelt om dat hij honger mocht crijgen
 
dus wilt toch swijgen // tot mijnder verschoonen

Goede Appetijt
 
Die Luijden wenschen om mijn wel hondert croonen
 
ick wilt u bethoonen in tswerlts prijeel

Grooten honger
 
Neen ghij sijt seeker een prooper Juweel
 
die u crijcht te Deel Die heeft wat Lux

Goede Appetijt
 
Jae sonder mijn is thert vol Drucxs
250[regelnummer]
verstaet dees stuxs / sonder vertreck

Grooten honger
 
Jae soo varense oick die mijn hadden gebreck
 
ick worde schier geck / Doer dit vermeeten
255[regelnummer]
maer segt mijn toch hoe ghij sijt geheeten
 
dat ickket mach weeten // sonder respijt

Goede Appetijt
 
Maer ick ben geheeten goe appetijt
 
die elcxs verblijt in swerlts ent

Grooten honger
 
En ick hiet grooten honger besiet hoe Jent
 
mijn vrient excelent // wilt onvree spaeren
 
wij sijn toch van outs doch twee goe caren
 
wilt hier ter stee baeren / solaes en genuecht

Goede Appetijt
 
Jae Daerom heb ick mijn hier gevuecht
 
Ga naar margenoot+op dat soude sijn verheucht / Dese Luijden // hier

Grooten honger
 
Ick coem hier oick mee om mijn dienst te bieden hier
270[regelnummer]
oick mochtent geschieden hier / twaer mijn begeeringe

Goede Appetijt
 
Ghij heeren Laet vreucht doch sijn u hanteeringe
 
sonder cesseeringe // sijt u Daer mee moeijende

Grooten honger
 
Ons Jonste was hier tuwaers vloeijende
 
Dus waren wij ons spoeijende // in dit convent

Goede Appetijt
 
Ende wij schencken ons selven tot een present
280[regelnummer]
op dat ghij moecht pertijnent in Jolijt Leven

Grooten honger
 
Tot vruecht wilt nu u hart subbijt geven
 
wilt niet int crijt sneeven / sterven Iet

Goede Appetijt
285[regelnummer]
Alsoo Lang ghij ons hebt en suldij sterven niet
 
nu moechdij ons beerven siet / tot deser stont

Grooten honger
 
Die ons hebben sijn van herten gesont
 
dus uuijt een goe gront / hebben wijt bedreven garen
290[regelnummer]
want Dat wij van hier gekeven waeren
 
soo soudij u Leven baren in verdriet en rowen

Goede Appetijt
 
Mijn heeren godt geeft dat ghij ons Lang moecht howen
 
soo en suldij niet verflowen in eenich Dangier

Grooten honger
 
Sonder ons en machmen niet maecken goet chier
 
in eenijge manier / Daer wij niet sijn geseeten

Goede Appetijt
300[regelnummer]
Wij en dienen haer geensins te vergeeten
 
wij doen eeten // wij doen scheppen

Grooten honger
 
Wij doen drincken wij doen Meppen
 
wij doen reppen / tcanneken vol confuijsen

Goede Appetijt
 
Wij doen brassen wij doen bruijsen
 
tot allen huijsen // sijn dit onse costuijmen

Grooten honger
 
Wij houen / wij slaepen / wij sluijmen
310[regelnummer]
op pluijmen // alle nachs ons gelt slaept

Goede Appetijt
 
Doer ons is dat elck genuecht raept
 
dus hebben wij u vercnaept / uuijt Liefden plaijsant
 
mijn heeren wij bidden u dat ghij genuecht ontspant
315[regelnummer]
seer triumphant / sijt Daer toe geneegen

Grooten Honger
 
Jae Daerom hebben wij ons hier gevlegen
 
om dat alle Dinck te Deegen / sow sijn in u feest

Goede Appetijt
320[regelnummer]
Dus vermaect u mijn heeren met blijen geest
 
elck als Die meest // vrij sonder beswaeren

Grooten honger
 
Weet dat haer herten in Liefden vierich waeren
325[regelnummer]
diet u verclaeren // sonder verstrangen

Goede Appetijt
 
Mijn heeren wilt ons altsaemen ontfangen
 
want goe Appetijt / is mijnen naem

Grooten honger
330[regelnummer]
En grooten honger Laet u die vrij bevangen
 
ghij heeren wilt ons ontfangen

Goede Appetijt
 
Naer u geselschap hadt ick groot verlangen
 
want ghij ghilden sijt van goeder faem

Grooten Honger
 
Ghij heeren wilt ons altsaemen ontfangen
 
want grooten honger is mijnen naem
 
Dus sijt ons Luijden toch gehoorsaem
 
finis
340[regelnummer]
Lanck 246 Regulen