Thronus Cupidinis

[p. C1v]

Sonnet.

SJ j'estois Jupiter, Maistresse, vous seriez
Mon espouse Iunon: si j'estois Roy des ondes

Vous seriez ma Tethys, Royne des eaux profondes,

Et pour vostre palais les ondes vous auriez.

Si le Monde estoit mien, avec moy vous tiendriez

L'empire de la terre aux mammelles fecondes,

Et dessus un beau Coche en longues tresses blondes,

Par le peuple en honneur Deesse vous iriez.

Mais je ne suis pas Dieu, & si ne le puis estre:

Le ciel pour vous servir seulement m'a fait naistre,

De vous seule je prens mon sort avantureux.

Vous estes tout mon bien, mon mal, & ma fortune.

S'il vous plaist de m'aimer je deviendray Neptune,

Tout Iupiter, tout Roy, tout riche, & tout heureux.