Dit is die tafel vanden Groten Lancfranck

[XLIIII] Dat sovende capittel is van apostemen der armen ende soe neder wert

Desse aposteumen salmen weder slaen alsmen eersten den lichaem hevet ghezuvert. Ende ist dat die aposteume is heet, men sal bloet laten anden anderen arm in die lever ader ende daer na wederslaen mit colende medicinen. Ende ist dattie niet en helpet, men sal verscheiden ende en helpt dat niet, men salt ripen. Ende desse aposteumen machmen volcomenliken ripen of die materie en wart so ³⁵⁰ quaet dat se bereet wart te corrumperen dat leet, want dan soudement ondoen al en wert niet vollen

350 Hiervoor (doorgestreept) ‘niet’.

[fol. 96v]

comeliken ripe. Mer men moetet wachten van groten wonden to snyden als die aposteumen valt in steden der musen, mer ghi sult snyden alsoe ondiepe als ghi moget een cleyne wonde ende dan salment zuveren ende dwaen alsmen doet andere opene gaten. Want waert soe dattie braden waren ³⁵¹ ghewont, de arm soude ontcrimpen altemet dattie brade solde helen.

Ende ist dat die aposteume is omme trent den ellenbogen dan salmen snyden an beyden syden vanden ellenbogen ende niet up den ellenbogen want het en soude niet helen omme dattet is altoes rorende. Mer ghene aposteume en comt in die stede of die materie ende sie te vele ende men salt dicwijl moten purgeren ende daerna verscheiden ende daer om trent werken alsoet gheseit is in dat generael capitel.

Ende aldus salmen cureren aposteumen vanden handen ende der vingeren. De vit is een aposteume wassende omtrent die wortele der nagelen ³⁵² ende is heet zwerende ende roet ende somwijl maect een coerts, somwijl destrueert den ³⁵³ hoeft vanden vinger. Die cure van desser aposteume is dat men eerst bloet sal laten op dat die cracht des zieken stercen ³⁵⁴ is ende hi out ghenoech sy ende op dat hi plach te laten ende de tijt lange sy dat hi niet en liet ende daer na salmen daer up leggen een dicke plaester ghemaect van azijn ende van apio° ende daer up salmen leggen een linnen cleet ghenet in ³⁵⁵ water van psillo° of smerent mit een ander colende salve ende in allen manieren salmen pinen omme te smeren colen ende omme corrupcie te beweren

351 Hiervoor (doorgestreept) ‘warm’.

352 Hier is nogal geknoeid door de scribent. Waarschijnlijk is ‘den’ doorgestreept en ‘len’ er boven geschreven in een andere (zwarte) inkt.

353 Emendatie: het handschrift heeft ‘dan’.

354 Emendatie: het handschrift heeft ‘steren’.

355 Emendatie: het handschrift heeft ‘een cleet ghenet in linnen water’.

[fol. 97r]

ende ist ³⁵⁶ dattie zweringe ende die bitinge hijr mede niet en cessiert ende op holt ende dattet etter wert dan salmen daer up leggen scabiosam° gestampt mit swinen smeer ende cureert voer ghelijc een antrax ende carbuncula. Hoe datmen cureren sal aposteumen comende in de juncturen der armen die niet en etteren, dat salmen leren in dat capittel vander zweringe der ³⁵⁷ junturen.

356 Emendatie:het handschrift heeft ‘is’.

357 Emendatie: het handschrift heeft ‘de’.