Schepenacte uit Haarlem van 25 juni 1330
Wj willaem van tetrode / Ende Dirc van der spaerne / Scepene in haerlem / Oerconden / dat Jan van Rollant / ende aechte siin wiif voer ons quamen / Ende verlieden / dat Jan veren batten zone / daer god die ziele of hebben moete / cofte / ieghen aechten voerseyt / ene morghen ghiestlants / ende ene morghen broeclants / die hoer 5an quamen / van Jan benvouts zone / voer ghelt / dat hi hoer scoudich was / daer hoer / dat lant voer gheset wert / bi den rechte / voer den rechter / ende voer die bure / te voerhoute / van wilken tve morghen lants / die ene morghen ghiestlant is / ende Jan bervvouts zoens huus op staet / ende die ander morghen / biet roelofs venne die leghet / an twe sticken / alse an vier hunt / ende an tue hunt / wilc lant voerseyt Jan van rollant 10/ ende aechte siin wiif verlieden / dat Jan veren batten zone / him al bitaelt heft dien lesten penninc mitten eersten / voert oerconden wi dat hughe brouwer verliede voer ons / dat hi doe bureman was te voerhoute / Ende hi die tue morghen lants halp scatten tot aechten bihoef / ende hi daer omme swoer / Jn oerconde desen brieue bizeghelt mit onsen zeghelen / ghegheuen Int iaer ons heren / m / ccc / ende dertich in sinte 15Alebrechts daghe.
Algemeen Rijksarchief, 's-Gravenhage - Abdij Leeuwenhorst, voorl. Inv. nr. 721. Uitgegeven in: Noordhollandse charters door Dr. H. Vangassen (Tongeren, Michiels, 1964)
Bijlage bij het artikel op blz. 153-161.
Auteursrechtelijk beschermd