Dit is een suuerlijc boecxken



[pagina 22]
7. aant. 7.1. ONs is geboren een kindekijn daerom so willen wi vrolic sijn. laet ons hem dienen met herten want sinen naem die is ihesus vale sus sus sus sprac maria tot ihesus 7.2. ¶ Als ghi ghelaghet maghet marij so en wasser nyemant bij dan ioseph ende anastasij haer handen hadden si gelaten thuys 7.3. ¶ Als si den gods sone ontfangen soude doen wiessen haer handen also boude ghelijc den roden goude si hadden wel een groot abuys 7.4. ¶ Als onse here gheboren was. ende maria daer af ghenas als men inder scriftueren las van eenigen man en hadde confuys. 7.5. ¶ Men ley den heer inder cribben van hoey was ghemaect sijn bedde aen bey sijden quetste hi sijn ribben
[pagina 23]
nochtans bleef hi dominus 7.6. ¶ Een osse ende een cleyn ezelken verwermden hem die leden sijn van couden weenden dat kindekijn nochtans was hi dominus 7.7. ¶ Die herdekens opten velde lagen si begonsten hem te versaghen van eender claerheyt diese sagen si hadden gewilt wel wesen thuys 7.8. ¶ Die enghel sprac weset niet veruaert ons is geboren eenen nieuwe standaert hi sal den viant maken confuys 7.9. ¶ Die herdekens songhen ha ha ha ons is gheboren so ic versta mercelsis gloria et in terra pax hominibus $ Amen