Dit is een suuerlijc boecxken
(1957)–Anoniem Suuerlijc boecxken, Dit is een–
Auteursrechtelijk beschermd5. aant.5.1.
O Suuer maecht van ysrahel
wilt seer verblijden v
om der scoonder boodtscap
die ic v brenghe nv
benedicta tu in mulieribus
vala sus vala sus
Aue plena gracia tecum dominus
5.2.
¶ Al metter bootscap schone
die denghel heeft ghedaen
hebdi van shemels throne
den heiligen geest ontfaen
benedic.
5.3.
¶ Als ioseph dat verstonde
dat maria was beurucht
hi peynsde in sinen gronde
hem waer beter gheulucht
5.4.
¶ Des hem die enghel schone
toesprac ende riet
ioseph dauids sone
| |
[pagina 16]
| |
en wilse begheuen niet
5.5.
¶ Noch en ontsiet te nemen
der moeder gods marien
dat van haer wert gheboren
sal ons van sonden vrijen
$ Benedicta
5.6.
Maria ende ioseph mede
voeren beyden te samen
tot bethleem der stede
daer si daer herberghe namen
5.7.
¶ In in arme huseken
al sonder weeghe oft doeren
om dat si waren van hauen bloot
moest hem also gheboeren
5.8.
¶ Alst quam ter rechter middernatht [middernacht
so heeft die maecht ghebaert
een kindeken van groter macht
als die enghel ons verclaert
$ Benedicta
5.9.
¶ Daer baerde die suuerlijcke
den heere ghebenedijt
van hemel ende aertrijcke
lof si haer tot alder tijt
| |
[pagina 17]
| |
5.10.
¶ Doe sanc met bliden geschalle
ioseph alleluya ende die engelen
in excelsis gloria
et in terra pax hominibus
vala sus vala sus
swiget soete ihesus
ghi sijt ons dominus
Et in terra pax hominibus
5.11.
¶ Die herderkens opten velde
bi haren scapen laghen
met eender claerheyt snelle
die enghel dat si saghen
Et in terra pax hominibus
5.12.
¶ Met groter anxticheyde
worden si beuaen
die enghel tot hem seyde
laet v gedachten staen
$ Et in terra
5.13.
¶ Ende gaet tot bethleem binnen
daer suldi nv ter stonden.
ihesus cristus gheboren vinden
in doekelkens ghewonden
| |
[pagina 18]
| |
5.14.
¶ Doe vonden si dat kindeken
gheleyt in eender cribben
Van hoey was sijn beddeken
hi en wou niet anders hebben
$ Et in
5.15.
¶ Tkindeken wert na moyses wet
ten achsten daghe besneden
ouermits sijn grote oetmoedicheyt
in sinen ionghen leden
$ Et in.
5.16.
¶ Den naem die hem denghel gaf
eert kint gheboren was
die wert hem daer ghegenen [ghegheuen
ihesus men seker las
$ Et in terra pax hominibus
5.17.
¶ Nv laet ons louen desen heer
die is ghenoemt ihesus
stillen wi hem hi weent so seer
ende singhen hem aldus
¶ Te deum laudamus vala sus
vala sus swiget soete ihesus
ghi sijt ons deminus [dominus
te deum laudamus
|
|