Drinck Liedeken.
Stemme: Tous les soldats de france.
LAet ons een deuntje singhen,
Vol van soe, soe, soe, soe soetigheydt,
En, en, en, en met vreughden drincken,
‘t Nat dat Ba, Ba, Ba, Ba Bachus schreyt,
Men mach wel vrolijck wesen,
Niet gulsigh: maer met maten,
Te maken goe, goe, goe, goe goede cier.
| |
2 Ghebuer ick sal ‘t u brenghen,
‘t Glaesje to, to, to, to tot den boom,
Wi, wi, wi, wilt het vry verwachten,
Hiet het we, we, we, we wellekoom:
‘t Is maer een proper teughje,
Gheen groote kroes, noch fluyt,
Segh maer stap wech, laet komen,
Ick mach het me, me, me, me wel uyt.
3 Sie daer dat gaetje voren,
Siet eens hoe, hoe, hoe, hoe, hoe ik ‘t maeck,
Sie, sie, sie, sie, sie, siet hem swelghen,
‘t Heeft een hu, hu, hu, hu hupse smaeck,
Nu weder om gheschoncken,
Soo meught ghy ‘t glas ontfanghen,
En wacker doe, doe, doe, doe, doen bescheydt.
Al met ma ma ma ma maten.
|
|
Auteursrechtvrij