Sommighe psalmen ende ander ghesanghen die men in die Christe ghemeynte in dese Nederlanden is gebruyckende
(1566)–Anoniem Sommighe psalmen ende ander ghesanghen die men in die Christe ghemeynte in dese Nederlanden is gebruyckende–
AuteursrechtvrijOp de Franchoyse wijse, des. C.xviij. Psalms. Rendez a Dieu.DE Heydens zijn o Heer ghecoomen
In dijn erue, en hebben besmet
Vwen Tempel met steenen hoopen
Hebben Hierusalem verset
Sy hebben uwen Knechten lichamen
Den Voghelen tot spijs ghestelt
En tVleesch uwer trouwe dienaren
Den dieren des Velts voor ghestelt.
| |
[fol A4r]
| |
Als Water hebben si vergoten
Haer Bloet ront om Hierusalem
Daer was ooc (dwelc ons heeft verdroten)
Niemant diese heeft te graef ghedaen
Tot eenen spot zijn wi bedeghen
Onse natueren groot en cleyn
Tot eenen lachter wi daer leuen
Den gheenen die ontrent ons zijn
Hoe lang Heer sal v gramschap dueren
En als een vier ontsteken zijn?
Wilt v toornicheyt doch stueren
Ouer tVolck dat v niet bekent
En ouer rijcken die niet hebben
Vwen naem oyt gheropen aen
Want si Jacob verslonden hebben
En zijn Woonste ghaer te niet ghedaen
Wilt nv voortaen niet meer ghedencken
Ons ouder schult en pijn
V ghenade haestelick laet blincken
Ouer ons, want wi ellendich zijn
Doet ons bistant o God gheduldich
Alleyn om dijns Naems wil eer
Verlost ons, weest ghoet en gheduldich
Ons sonden om dijns Naems wil Heer
Waerom souden de Boose scharen
Segghen waer is haer God: daerom
Wreeckt in ons Ooghen, uwer dienaren
Bloet tonrechte ghestort al om
| |
[fol A4v]
| |
Tot v aenschijn laet comen tsuchten
Der gheuanghenen en laet sijn
Door v cracht vry leuen en vluchten
Die totter doot gheeyghent zijn.
Wilt onse nabueren verghelden
In haren schoot, Heer seuenuout
Den laster daer met si v quelden
En schant die si v aen deden stout
En mi v Volck by v ghepresen
Ende het cudde uwer weyden breyt
Sullen v dancken alle weghen
En prijsen inder eeuwicheyt.
|
|