Sommighe psalmen ende ander ghesanghen die men in die Christe ghemeynte in dese Nederlanden is gebruyckende

¶ Den. C.xv. Psalm.
Non nobis Domine non nobis.
☞ Hoe alle gheloouighe den warachtighen Godt Israhelis, in dit leeuen alleen moeten betrouwen, vreesen ende prijsen want hi alleen ghoet ende almachtich is, daer alle ander versierde Goden crachteloos zijn.

NIet ons niet ons o eeuwigher Heer
Maer dijnen naem gheuet die eer
om dijn ghoetheyt en trouwe
Waerom souden wy der Heyden spot
Sijn dat sy zegghen, waer is haer Godt?
Twelck ons met recht mach rouwe
Want onse Godt in Hemel is

[fol B1r]

 

Hy maket al wat hem ghelust

 

Maer haer Goden ghemaket zijn

 

Wt Gout en Siluer door smenschen hant

 

Sy hebben Mont, en spreken niet

 

Sy hebben Ooghen en gheen ghesicht.

 

Alleluya. Looft den Heere.

 

Sy hebben Oren en hooren niet

 

Hebben oock Nuese, ende ghenen rueck

 

Met een onder haer allen

 

Sy hebben handen, en grijpen niet

 

Sy hebben Voeten, en gaen geen tridt

 

Haer Keel can gheensins callen

 

Die sulck maken sijn oock also

 

En die daer op verhoopen oock

 

Maer ghy Israhel en Aaron

 

En die den Heere vreeset vroom

 

Hoopt doch al op den Heere milt

 

Want hy v hulp is en schilt.

 

Alleluya. Looft den Heere.

 

Die Heer ghedenct onser ghenadelick

 

En sal ons seghenen eewelick

 

Met zijn Heylighe gauen

 

Hy sal seghenen t Huys Israhel

 

En t Huys Aaron oock euen wel

 

So verre als si gheloouen

 

Hy sal oock seghenen alle die

 

Die God den Heere vreesen hier

 

Weder si cleyn zijn ofte groot

[fol B1v]

 

Die Heer sal v in uwen noot

 

Veel meer ander weldaden doen

 

Tot v en uwen Kinderen vroom

 

Alleluya. Looft den Heere.

 

Ghy zijt die God gheseghent hadt

 

Door welcken Hemel en eerde staet

 

En wat daer is beneuen

 

Den Hemel behouden heeft onse God

 

Voor hem en den menschen voor haer lot

 

Die eerde heeft hy ghegheuen

 

Die doden sullen v o Heer

 

Gheen lofdanck gheuen nemmermeer

 

Noch die daer varen inden stil

 

Hebben daer toe noch hert noch wil

 

Maer wi sijn Gode tot Lof bereyt

 

Van nv tot inder eewicheyt. Alleluya. &c.