Sommighe leerachtighe geestelijcke liedekens

[p. 528]

[V Heere Zebaoth]

Na de wijse van den 18. Psalm. Die Hemelen seer claer, verconden openbaer.

Singt met aendacht.

V Heere Zebaoth,
Onsen Heer en God,
Looven wy altesamen,
Wy prijsen u goetheyt,
Die ghy hebt uytghebreyt,
^a Over ons seer bequaem,
So wijt den Hemel staert,
V ghenade op gaet,
Vwe macht ende eere
Verschijnt suyver end reen,
In u wercken ghemeen,
Dies loven wy u Heere,
2 In Ierusalem schoon,
⁺ Op den Berghe Zyon,
⁺ Thoont ghy u gunst seer goet,
⁺ Aldaer so wert ghehoort,
Dijn leer en heylich woort,
Seer lustelijck en soet,
Ghy Heer door uwe licht
In Zyon yeder sticht,
^b Aldaer hebt ghy u woont,
Dijnen heylighen gheest,
Toont ons in dit foreest,

a Ps. 108. 6.

+ 2. Ps. 76. 1.

+ Esai. 2. 3.

+ Mic. 4. 2.

b Psa. 132. 13.

[p. 529]

 

Seynt ghy uyt s'Hemels troont.

 

3 Alleen ghy Heere zijt,

 

Die ons ghebenedijt,

 

En verquickt ons ghemoet,

 

^c Daer is gheen God als ghy,

 

Die maeckt van sonden vry,

 

En de misdaet uyt doet,

 

^d Ghy roept ons al ghelijck,

 

Tot u Hemelsche rijck,⁺

 

En wilt ons heyl en leven,

 

Dies wy uyt sherten gront,

 

V sullen taller stont,

 

Lof prijs en eere gheven.

 

4 Ghy zijt Coning voorwaer,

 

Over u heyl'ghe schaer,

 

Die ghy seer hebt bemint,

 

V heyl'ghen te saem,

 

Eeren Heer uwen naem,

 

^e Zijnde gheestelijck ghesint,

 

Ghy zijt haer hulp en schilt,

 

Die haer beschermen wilt,

 

Voor sond ende oneere,

 

Door uwe groote cracht,

 

En Conincklijcke macht,

 

Bewaert ghy haer o Heere.

 

5 Dies wy u Heere al,

 

Met een vrolijck gheschal,

 

Loven met stemmen soet,

 

Wy die hier zijn by een,

 

Sullen uwen naem reen,

c Esai. 45. 21.

d Esa. 44. 22.

+ 1. Tim. 2. 4.

e Ro. 8. 4.

[p. 530]

 

Seer vriendelijck en goet,

 

Prijsen tot alder tijt,

 

En u ghebenedijt,

 

Seer dancken ende loven,

 

Danck, lof, prijs ende eer,

 

Zy u God onse Heer,

 

Op aerden en daer boven.