Sommighe leerachtighe geestelijcke liedekens

[Ghelooft so zy de Heere goet]

Na de wijse van den 9. Psalm. Heer ick wil u uyt s'herten, etc.

Singt met aendacht.

Ghelooft so zy de Heere goet,
Den God Isrels vrientlijck en soet,
Hy heeft sijn vollick uyt ghenaden,
Versocht verlost ende ontladen.
2^a Den Hooren onser salicheyt,
Vol ghenaden ende waerheyt,
Heeft de Heer op gherecht seer goedich
In Davids huys sijn knecht ootmoedich.
3^b Also hy hadt belooft certeyn,
Door sijn Propheten heylich, reyn,^+
c Ons te verlossen, uyt de handen,
Van onse haters en vyanden.
4 Op dat hy onse vaderen tsaem,
Barmherticheyt dede bequaem,
En sijn verbont heylich ghepresen,
Volbracht, en wild' ghedachtich wesen.
5^d Dat is den eedt vast ende sterck,
Die hy Abraham in dit perck,⁺
Onsen voorvader heeft ghesworen,⁺
Diens gheslachte hy heeft vercooren,
6 Om ons te gheven t'samen al,
Verlost te wesen in dit dal,
Van ons vyanden groot en cleene,

a Psa. 132. 17.

b Esa. 40.10.

+ Jere. 23. 5. end 30. 10. ende 33. 6.

c Ier. 33. 6.

d ge. 22. 16.

+ Ps. 105. 9.

+ Ier. 31. 33.

[p. 508]

 

Hem te dienen suyver en reene.

 

7 Alle de tijt ons levens lanck,

 

In heylicheyt sonder bedwanck

 

En gherechticheyt t'allen daghen,

 

Die onsen God wel sal behaghen.