Sommighe leerachtighe geestelijcke liedekens
(1609)–Anoniem Sommighe leerachtighe geestelijcke liedekens–
AuteursrechtvrijNa de wijse: Venus der Minnen Goddinne.Singt met aendacht. Tobias tot sterven gheneghen,
Riep sijnen soon en sprack daer teghen:
| |
[pagina 504]
| |
Mijn kint//bemint,
Hoort met accoorden,
Alle mijn woorden.
2 Als God mijn ziel heeft wech ghenomen,
Mijn lichaem in een graf laet comen,
En wilt//oock milt,
V moeder draghen,
Ionst al u daghen.
3 Houdty haer in weerden en in eeren,
Denckt opt perijckel en t'verseeren,
Hoe sy//vroech dy
Met grooter smerte,
Onder haer herte.
4 End als sy sal ghestorven wesen,
Begraeftse neven my by desen,
Altijt//met vlijt,
End neerstich pooghen,
Hebt God voor ooghen.
5 Draecht in u herte God Almachtich
So dat ghy hem altijt ghedachtich
Zijn meucht//van jeucht,
Tot s'levensenden,
T'hemwaerts u wenden.
6 Siet dat ghy niet t'eenighen stonde,
V en bewillicht in gheen sonde,
T'ghebodt//van God,
En wilt versteken,
Noch gheensins breken.
7 Van uwen goede helpt den armen
Men siet hen lieden met ontfarmen
Als dien//aensien,
| |
[pagina 505]
| |
Sal u ghestade,
God met ghenade.
8 Helpt neerstich die behoeftich leven,
Hebt ghy vele wilt vele gheven,
En doet//oock goet,
Met herten reynich,
Al hebt ghy weynich.
9 Gheeft trouwelijck al sonder sparen,
So sult ghy rechten loon vergaren,
Ter noot//de doot
En sonde lossen//die aelmossen.
10 Aelmossen vol charitate,
Is in der noot een groote bate,
Een troost//altoost,
Seer groot beseven,
Voor God verheven.
11 Mijn fout wilt u oock vermijden
Van hoerery, laet die besijden,
Hebt een//wijf reen,
Wilt daer beneven
Gheene aencleven.
12 De Hoovaerdye en gheeft gheen stede
In u herte noch woorden mede,
Van in//t'begin,
Qracht sy t'bederuen,
Daer wy om sterven,
13 En alle die om u arbeyden,
Terstont wilt haren loon bereyden,
En houdt//niet stout,
Van gheen personen,
| |
[pagina 506]
| |
Verdiende loonen.
14 En doet oock geen menschen geschieden
Dat ghy nood' hadt van ander lieden,
Ter noot//u broot
Deelt tallen tijden,
Die hongher lijden.
15 Wilt om den naeckten te bedecken,
Van uwen cleederen aentrecken,
Maer meest//die gheest,
Lijck zijn begraven,
Deelt die u gaven.
16 Met den sondaren vol vermeten,
So en wilt noch drincken noch eten,
Maer gaet//om raet,
Den wijsen vraghen,
Tot allen daghen.
17 Danckt altijt God en bidt eendrachtich
Dat hy u wil regieren crachtich
Dat zijn//al dijn
Voornemen blijcke
Sijn woort ghelijcke.
18 En sorcht met mijn soon verheven,
Al leyden wy een arm leven,
Voorwaer//hier naer
Wy hebben sullen
Van als te vullen.
10 Indien dat wy tot allen tijden,
God vreesen en de sonde mijden,
En goet//doen vroet,
Na recht wy souden,
| |
[pagina 507]
| |
Dit wel onthouden.
|
|