Sommighe leerachtighe geestelijcke liedekens
(1609)–Anoniem Sommighe leerachtighe geestelijcke liedekens–
AuteursrechtvrijSingt met aendacht.Ick roep u Heer, aen, in noot niet cleyn
Haest u ghenadelijck tot my,
Opent my nu u ooren vry,
Dewijl ick roepe tot u alleyn
Tot u climme mijn ghebedt ghemeyn,
Even als een reuckwerck seer soet,
Mijn handen ghestreckt in ootmoet
Ontfanckt als een spaedoffer seer reyn.
| |
[pagina 433]
| |
Komt altijt, o Heer, toe mijnen mont,
Regeert oock mijn lippen nu meer
Dat niet quaets tot uwer oneer
Daer uyt comt tot eeniger stont
Neycht mijn herte niet tot stucken loos,
Dat ick niet en hebbe te doen
Met den menschen in boosheyt coen,
End niet en smake haren roos boos
Dat my de vrome vermaen eenpaer,
Ick wilt vrindelijck dulden fijn.
Sulcx sal my op mijn hooft oock zijn,
Als een balsem lieflijck end claer.
Pause.
Maer seer haest sal ick sien onverwacht
De Godloosen in sulck ellent
Dat ick voor hen noch inden endt
Sal God moeten bidden met aendacht
Als haer overheeren boos end fel,
Van boven af werden gestoort.
Dan werden mijn woorden gehoort.
Als die goet zijn ende ghesproken wel
Ghelijck t'hout end steen zijn uytgespreyt,
Alsmense clieft ende breeckt seer cleyn
Also sijn ons benen gemeyn
Omtrent onsen graven uytghebreyt.
O Heer in mijn lijden end verdriet
Tot u hef ick mijn ooghen vry
Mijn troost end mijn hope zijt ghy
En laet mijn herte vertsaghen niet.
Hoedt my dat ick niet werde ghevaen
| |
[pagina 434]
| |
In stricken my voorghestelt,
End met banden niet zy gequelt,
Die my de boose stedes voor staen,
Sy moeten selve wesen verstrickt
In haer eyghen nettebn al tsaem,
Op dat ick ghesont endd bequaem
Daer van vry zy, end werde verquickt.
|
|