Sommighe leerachtighe geestelijcke liedekens

Den xci. Psalm Davids.

Singt met aendacht.

Die in Godes bewaringh sterck,
Begheeft hem onbesweken,
Die woont in een vast bollewerck,
2 Dies hy seer wel mach spreken,
End segghen by hem t'aller stont:
God is mijn hulpe crachtich,
Mijn borcht end oock mijn vaste gront,
Daer ick op hoop eendrachtich.
3 Van des jaghers valstricken al,
End van t'ghewelt seer machtich,
Van schadelijcke pesten sal
Hy u oock helpen crachtich

[p. 292]

 

4 Hy sal met den vleughelen zijn,

 

V decken end bevrijden,

 

Sijn hulp sal u in noot end pijn,

 

Een schilt sijn t'allen tijden.

 

5 Snachts sult ghy dat dinck vreesen niet,

 

Dat de menschen doet beven,

 

Noch de pijlen die sdaechs met vlijt,

 

Gheschoten zijn daer neven,

 

6 Oock voor geen sterven scherp noch groot

 

Dat volck des nachts bespringhet,

 

Noch voor t'haestighe twelck de doot.

 

Den menschen s'daechs toebringhet.

 

7 Al storven aen u slijncker zijd'

 

Duysent, en thienduyst' tsame

 

Ter rechter, noch zijt ghy bevrijt

 

Voor schaden onbequame,

 

8 Ghy sult onbevreest schouwen aen

 

De boos' in haer verderven,

 

End hoe sy haren loon seer saen

 

Ontfanghen end beerven.

 

Pause.

 

9 Om dat ghy tot God spreeckt eenpaer,

 

Ghy behoet my o Heere,

 

End op God in alle ghevaer

 

Hoopt, end hem doet dees eere.

 

10 Met gheen schaden wert ghy beswaert

 

Noch gheen plaghen met allen,

 

En sullen u huys wel vermaert,

 

Gheensins dan overvallen,

 

11 Hy gheeft den Enghelen bevel,

[p. 293]

 

Zijnde tot u gheneghen,

 

Dats' op u steets acht hebben wel,

 

In allen uwen weghen,

 

12 Sy sullen in handen dies claer

 

V draghen fijn besloten,

 

Dat ghy niet vallen en sult daer naer

 

Noch u aen den steen stooten.

 

13 Ionghe leeuwen end slanghen wreet

 

Leeuwen end draken mede,

 

Sult ghy al sonder schaed' oft leet,

 

Onder den voeten treden,

 

14 Want dit spreeckt God van u voorwaer

 

Om dat hy my vereeret,

 

Ick sal hem helpen uyt noot swaer,

 

Want mijn naem hy vermeeret.

 

13 Roept hy my aen, hy wert verhoort,

 

In den noot sal ick wesen,

 

By hem t'aller tijt, van nu voort,

 

Hy wert van my ghepresen,

 

16 Ick sal hem vervullen seer goet

 

Met veel vrolijcke daghen.

 

End hem oock laten smaken soet,

 

Mijn hulp na mijn behaghen.