Sommighe leerachtighe geestelijcke liedekens

[Looft den Heer met stemmen bequame]

Na de wijse van den 66. Psalm. Singt den Heer in den gants.

Singt met aendacht.

Looft den Heer met stemmen bequame,
Danckt hem voor sijne goedicheyt,
Ghy alle die hier zijt te same,
Roemt sijn groote barmherticheyt
Laet ons hem al van herten prijsen,
Want hy is vriendlijck ende goet,
Loven end stedich eer bewijsen,
Van herten reyn, lieflijck en soet.⁺
2 God toont ons sijn ghenaed' verheven,
⁺ End laet ons sijn woort leeren reyn,
^a Nodicht ons alle tot den leven,
^b Roept ons vriendelijck int ghemeyn,^+
c Dus laet ons van den wegh der sonden
^d Tot hem keeren alle te saem,
^e Hy is seer barmhertich bevonden,
Laet ons hem loven seer bequaem.
3 Plant sijn woort in u herte binnen,

+ matt. 22. 2.

+ Apo. 19. 9.

a Lu. 14. 16.

b matt. 11. 28.

+ esa. 45. 22.

c rom. 6. 12.

d esa. 55. 7.

e ps. 103. 8. end 145. 4.

[p. 208]

 

En leeft doch weerdelijck daer na,

 

^f Hertgrondelijck wilt hem beminnen,

 

^g Spreeckt van sijn wet vroech ende spa,

 

⁺ Eert hem altijt uyt al u crachten,

 

Weest in goede wercken vruchtbaer

 

^h Hebt den Heere in u ghedachten,

 

ⁱ Dancket en looft hem allegaer.

 

⁺ 4 Des Heeren goetheyt en ghenade,

 

⁺ Blijcket in sijne daden al,

 

Hy toont ons altijt vroech end spade,

 

^k Sijn groote liefde in dit dal,

 

Prijst hem in alle uwe wercken,

 

V ziele, hert, ende ghemoet,

 

Laet sijnen lof altijt verstercken,

 

^l Danckt den Heere vriendlijck en goet.

f matt. 22. 36.

g Psa. 1. 2.

+ matt. 12. 33.

h Eph. 2. 9.

i Ps. 117. 1.

+ Tit. 2. 14.

+ heb. 10. 24.

k Ioa. 3. 16.

l Ps. 118. 1.