Sommighe leerachtighe geestelijcke liedekens

Den 67. Psalm Davids.

Op de wijse van den 33. Psalm.

Singt met aendacht.

Onse God sy ons nu ghenadich,
End seghen ons met overvloet,
Hy verlicht ons alle ghestadich
Met sijn aenschijn lieflijck en soet:
3 Op dat ons sijn weghen,
Bekent recht van deghen
Werden, end met een
Die Heydenen leeren,
Hen tot den wegh keeren,
Onses Heyls alleen.
4 Dat doch, Heer, die volcken met singhen
V seer dancken vry openbaer,
5 End met vreucht uwen lof doordringhen
Hen in u verheughend' eenpaer.

Ghy hebt alle lieden

Alsins te ghebieden,
Na u goetheyt reyn:
ia t'gheheele aertrijcke,
Ghy in der ghelijcke
Regeert, Heer, alleyn.
6 De volckeren met soeten toone,
Dancken daerom uwen naem goet
7 Om dat d'aertrijc draecht vruchten schone

[p. 207]

 

Seghent ons Heer tot ons behoet.

 

8 De Heere seer goedich,

 

Gheeft ons overvloedich

 

Den seghen ghewis,

 

Dat hem dies elck vruchte,

 

End onsen God duchte,

 

Die almachtich is.