Sommighe nieuwe schriftuerlijcke liedekens
(1591)–Anoniem Sommighe nieuwe schriftuerlijcke liedekens–
Auteursrechtvrijna de wyse: Venus der minnen Goddinne, etc.
Ga naar voetnoot+TObias om sterven gheneghen,
Riep zynen Soon, en sprack daerteghen
Mijn kindt // Bemint,
| |
[pagina 87]
| |
Hoort met accoorden,
Alle mijn woorden.
Als Godt mijn Ziel heeft wech ghenomen
Mijn Lichaem in een graef laet comen,
En wilt // Oock milt,
U Moeder draghen,
Jonst al u daghen.
Houdt haer in weerden en in eeren,
Dinckt op t' perijckel en t' verseeren,
Hoe zy // Droech dy
Met grooter smerte,
Onder haer herte.
En als zy sal ghestorven wesen,
Begraeftse nevens my, by desen
Altijdt // Met vlijdt,
En neerstich pooghen,
Hebt Godt voor ooghen.
Draeght in u herte Godt Almachtich,
So dat ghy hem altijdt ghedachtich,
Sijn meucht // van Jeucht,
Tot s' levens enden,
T' hemwaerts u wenden.
Siet dat ghy niet t' enighen stonde,
U en bewillicht in gheen sonde,
T' ghebodt // Van Godt
En wilt versteken,
Noch gheensins breken.
Van uwen goede helpt den armen,
Aensiet hem lieden met ontfarmen,
By dien // Aensien
Sal u ghestade,
Godt met ghenade.
Helpt neerstich die behoeftich leven,
Hebt ghy vele, wilt vele gheven,
En doet // Oock goet,
Met herten reynich,
Al hebt ghy weynich.
Gheeft trouwelijck al sonder sparen,
So sult ghy rechten loon vergaren,
| |
[pagina 88]
| |
Ter noot, Die doot,
En zonden lossen,
De Aelmossen.
Aelmoessen vol charitate,
Is in der noot een groote bate,
En troost // Altoost,
Seer groot beeven,
Voor Godt verheven.
Mijn Sone wilt u oock vermyden,
Van hoererye, laet die bezyden,
Hebt een // Wijf reen,
Wilt daer beneven
Gheen aencleven.
De hooverdye en gheeft gheen stede,
In u herte noch woorden mede,
Van in // T' begin,
Wracht zy t' bederven,
Daer wy om sterven.
En alle die om u arbeyden,
Terstont wilt haren loon bereyden,
En houdt // niet stout,
Van gheen persoonen,
Verdiende loonen.
En doet oock gheen menschen gheschieden
Dat ghy nood' hadt van ander lieden,
Ter noot, U broodt,
Deelt t' allen tyden,
Die hongher lyden.
Wilt om den naeckten te bedecken,
Van uwen cleederen aentrecken.
Maer meest // Die gheest-
lijck sijn begraven,
Deelt uwe gaven.
Met den Sondaren vol vermeten
So en wilt oock drincken noch eten,
Maer gaet // Om raet,
Den wysen vraghen,
T' allen daghen.
Danckt altijt Godt en bidt eendrachtich
| |
[pagina 89]
| |
Dat hy u wil regieren crachtich,
Dat fijn // Al dijn,
Voornemen blijcke,
Zijn woort ghelijcke.
En sorght niet mijn Sone verheven
Al leyden wy een arm leven,
Voorwaer // hier naer,
Wy hebben sullen,
Van als te vullen.
Indien dat wy ten allen tyden
Godt vreesen en de zonden myden,
En goet // Doen vroet,
Na recht wy souden,
Dit wel onthouden.
Een is noodich. |
|