Sommighe nieuwe schriftuerlijcke liedekens


Een nieu Liedt van Magdalena,
op de wyse, van Jonas. IEsus die quam gheganghen Ga naar voetnoot+ Tot binnen Bethania, Daer werdt hy wel ontfanghen Van een Vrouwe Martha, Dat was de Suster van Maria Magdalena, So ick versta, Die wilde weder keeren van den qua.
[pagina 86]
Zy sat aen Jesus voeten, En hoorde de woorden aen Christi, niet om versoeten, Maer Martha was belaen, Al om den Heere wel t ontfaen, Zy heeft ghedaen Haer werck seer saen Ghinck zy tot Jesum met een sulck vermaen. Heere neemt ghy gheen achte, Hoe dat mijn Suster vry Gheseten soet en sachte, Alleene laet dienen my, Seght haer dat zy oock doende sy, En my stae by, Nu hoort Christi Antwoorde, Martha, Martha seyde hy. Ghy sorght voor vele saken, En hebt veel moeyte swaer, Een dinck (wilt dit wel smaken) En is van noode maer, Maria heeft vercoren claer, T' goet deel eerbaer, Het welck voorwaer, Oock niet en sal ghenomen sijn van haer. Vrienden laet ons verkiesen, Dat over goede deel, Dat wy niet en verliesen, dat costelijck parceel, Dat Euangelij schoon Juweel, Volghen gheheel, In s' Gheests prieel. So werdt des Heeren naem ons een Casteel. Een is noodich.	voetnoot+ Luc. 10/38