Soela 1962-1964(1962-1964)– [tijdschrift] Soela– Auteursrechtelijk beschermd Vorige Volgende [pagina 10] [p. 10] joh. schouten-elsenhout sekete oema O ho mi sekete oema a mindri a krin moenkenki fesi ini boesi ondro den taki foe a mama kankantri pe mandron e boro doti sek mi gebre not no d'e 'f loes mi jeje di spikri tanapoe a fes den bromki di joe awese foetoe e trowe gi gron joe koti skin a tap kwakwa bangi a mindri den difrenti moi pangi strepi brantmarki den toe blaw ai nanga gowtoe 'wiri foe a njoni bromki a joe sé d'e op' ede gro kon a loktoe foe wiki mi djodjo a mindri dipi sribi joe kroesoe 'wiri e bosro mi frestan kon krin 'f si den toe brenki ai di was mi kra mek a opo a doengroe 'f djompo fet a krin soekoe san lobi nanga broedoe ben tai watrai Loekoe! mi fini garden e poeroe smoko osé a faja seti wan safri lafoe kibri a baka pe mi broedoe e tron watra 'f koekoe m'insé it' ai a mindri a tranga lon watra mi langa watrai e seni njoensoe go gi den masanegre 'f mi n'abrasé tak mi bro e feti 'f tapoe wan pkin kraboe no d'e 'f si oten tan boen mi safri lafoe adjosi mi langa watrai [pagina 11] [p. 11] akantamasoe A dis na dofo kampoe di tanapoe 'f broko saka lek por oedoe a gron a dis na a diri boeba 'f kromanti pangi d'e feti 'f prit a toe a dis na a gowtoe-sroto foe negre ati pe mi totro broedoe e lon a dis na a ogri foe akantamasoe d'e koekoe a boesi e kon dis a wan kroederi di 'm n'e agri foe ogri tongo e mata skin a sa bles mi 'f bar aleloeja mek santa jeje saka kon poer den a mindri dofo kampoe [pagina 12] [p. 12] froebontoe sipi Saka joe ati ini skoena 'f libi mek lobi winti sér en gwe mindri skwala nanga sekwatra tek pasensi lek koelaman ori konsensi a mindri njoenfroedoe no mek falawatra srep en gwe opo joe séri a mindri ebi draiwinti tek ondrofeni lek joe kapten séri joe skoena nanga safri boen winti mindri a tiri lon watra 'f bribi trowe joe ankra a stanfasti lampe bika foe troe a skoena 'f libi toedé brawbronki d'e séri 'f sjatoeten en wawan sabi a bigi froebontoe di loktoe ben sroto nanga gron. tenten boto Joe no doro tide i sa doro tamara séri mi boto seri go broko genti a mindri springi séri mi boto séri go abra den skwala nanga bigi plana séri mi boto séri go loek fa sarki ai e brenki a watra piren tak pé pot mi dja séri mi boto séri go abra ansoe ef tigri bangi séri mi boto séri go krape e wakti te liba dré no wai ede mi boto séri go wins a mindri ebi draiwinti snepi fré opo joeroe kon séri mi boto séri go [pagina 13] [p. 13] masanga Dja mi ati e naki mindri a opo wé dja mi jeje e taki san lobi nanga broedoe ben tai djaso mi wani 'f de dja mi konsensi e fon mi mindri a banawtoe wé dja mi gebre sek mi a mindri den awese pe kromanti e dans a faja djaso mi kampoe bow dja mi kra opo mindri a broko wé a mindri den blaka bakba d'e troes' ede a hé pe skin e fir en srefi djaso mi djodjo sdon dja mi bribi ankra mindri friman gron ini mi égi masanga pe m'e pré boskopoe dron a mindri den loweman bana djaso mi ati doro man winti A swit sewinti d'e wai a branspen te doro ini sranan liba e mek mi jeje djonko a naki 'f den plana a sé matrosbroki e boboi mi gebre a lon watra a mindri liba d'e drai tron wan kolkoe a mi ati lanpe e broko mi djodjo saka gi doti mi winsi wan njoen dé opo fesi foe wiki mi kra mek a djompo a loktoe di a switi sewinti e feti 'f sribi Vorige Volgende
Auteursrechtelijk beschermd Auteursrechtelijk beschermd Auteursrechtelijk beschermd
Auteursrechtelijk beschermd
Auteursrechtelijk beschermd