Soela 1962-1964

[p. 27]

kawina

Zijn liefde voor mij
Werd aan flarden gescheurd,
Sinds het gebeurde
Dat ik niet tijdig gaf
Wat hij vroeg.
Het was nog geen oogsttijd,
Toch wilde hij plukken
de boomrijpe vruchten
Van mijn genegenheid
Hij heeft spijt
En ik lijd.
Maar hij plukte
Van andere bomen
Ik haat hem!
Want hij laat mij.
Houden wij nog van elkaar
Op een afstand?

Een stervend verlangen
Sluimert er
In mijn verdorde schoot,
De hoop op kroost
Voor oudertroost
Wordt levend gedood.
En schijnvruchten hangen
Dicht in de buurt
Van mijn stervend hart
Te drogen.
En zij kiemen niet
Ach het kind van mijn dromen,
Dat nimmer zal komen!

[p. 28]

man mit' man

 

No wan s'ma

 

Di ben prefoeroe

 

F'taig' en bigi taki

 

En den no ben

 

Sabi na joeroe

 

Di a ab' prisiri f' naki

 

Sopi ben go

 

Na en ede

 

A ar' en langa wipi

 

Ala srafoe

 

Now ben frede

 

Ala man tan pi.

 

Ma di na moro tranga

 

wan f'den

 

Jere wan oema bari,

 

A drai en loekoe

 

San de psa,

 

Ma na oema ben

 

dede k'ba!

 

Dan wan f'den

 

Obia f' Afrika

 

Dat' bari na en ede,

 

A tak' na marki

 

Foeroe k'ba,

 

Didibri mi no frede

 

Oi oi a no noti,

 

Na' doe fa jawa,

 

No mek' drai drai,

 

wasi go!

 

Na skop' d'a saka

 

Mindri' en ede

 

Meki a broko saka

 

Dri dé na baka

 

En sref' dede,

 

So man ben miti man.

[p. 29]

angribere

 

Nowtoe d'a mi doro ba,

 

Kré nanga soktoe

 

Neti nanga dé

 

Sari foer mi ati ba.

 

Ke, mi Gado

 

San de psa,

 

Ef wan sma

 

No man foe geme

 

Ati moesoe f'priti.

 

Tenti jari mi 'ma wakti

 

Fos' a meki mi

 

Noja m' de en fosi p'kin

 

En mi ben tap' en bere.

 

Na f' dat ede

 

m' de na lo

 

oe tapoe-bere-oema

 

Wan kodo p'kin

 

Di gado len' en

 

Dat, na mi, ai ba.

 

Wan kodo wan

 

M' no man foe meki,

 

Dat na mi, ai ba!

 

Dis' moro mofo,

 

Now mi oso

 

Sa dede, nanga mi.

 

A ebi f' tjari

 

Mi no ben sabi,

 

'Ma ben meki mi

 

Foe dede nanga angribere

 

Ai baja!

 

M'a ebi ba!

Na jari de f' sroiti
Na wi baka,
Wan njoen wan
Tnap na wi fesi,
Wi de fri,
Wi de tra sma
Lek den fri wan
F'heri Sranan.
San ben psa
Dat wi ben
Si kaba
San de f'kon
Wi no sabi.
Ke, wi Masra
Tiri èn tjar wi
Abra Soela
Foe srafoe-liba,
En abra plana
Foe strafmanse.
Gi wi krakti
En brok' a makti
F' ala edeman
Foe wi
Ala graniwan foe wi
Di ben komoto f' Afrika,
Oen dede, den pran'oen
N'in Sranan-doti
Oen no sa kon
Foe jepi wi?
Langa ten
Oen kettin koti,
ma wi poti-wan
W'e soktoe langa
n'ondro den dreba
Di wi e kari masra
Oten oen sa sori den
wan finga
Mek' den prakseri
Dat' na wan njoen jari
Sa kenki oen blaka boeba.
Gado sor' den
nofo kaba
Dat' srafoe-broedoe
Red' a srefi
Lek' a di foe den
Ma tokoe
Den no wani kaba!