Soela 1962-1964

[p. 15]

joh. schouten-elsenhout

Libi!
Mi skin de tingi
Foe na brabakoto smeri
Foe jep trawan mek faja olo
Foe tek mi égi fatoe
Baka mi skin
Lé a no tori
Foe jere man skin
Te siki win ati
Gron sa kowroe
Smoko no sa kir fesi moro
Foe ai no doro pe libi de
A no trobi sortoe liba
Pe anoe man kis watra
Drape foetoe
Sa ber nangra na gron

Faja seti
Drifoetoe sdon bigi en srefi
Kapa
Mi doti patoe
De go abra nanga ala sortoe njanjan
Koro smeri panja gi loktoe
Ede saka loek foetoe pe a tanapoe
Efoe skin no sa fadon
Na winti foe pon smeri
No de kori mi noso taki a boen
Krin ai, gro pesi de foe teki
Roti smeri mek mi no man sdon
No frigiti agoe smeri
Foe fring' na moni na wansé
Pikin fowroe froiti
No frigit den kati foe krakti joe skin
Mofo tesi kakalaka pepre
Ede singi ati de naki
Broedoe de koekoe
Foe go leri bori moksi patoe
Mi égi kondre
Switi njanjan