Soela 1962-1964

[p. 22]

a. gilds

Hoort Gij
Mijn stem die roept
Als een echo tegen kale rotsen
Hoort Gij
Mijn hart dat zoekt
Naar een bron mijn zieledorsten
Zweef ik
Hoog boven bergen
Als een arend
Aan de grauwe luchten
Mijn hart
Mijn stem
De hemel ziet mij
Eenzaam zoekend
Met trage vluchten
Mijn bergtop
Mijn nest
Zal ik sterven in mijn dromen

[p. 23]

sadina

 

Pasensi sa basi

 

Di m'firi moes' f'doro

 

Na j'ati lan-pe

 

Pe kwet' kweti

 

Mi no sa kroektoe

 

Pe lobi de

 

Wan sten de kari

 

Pe kar' e kari f' de

 

Ma m'foetoe no man tjar' mi

 

Tap' de santa gron

 

Tek' mi no

 

Tek' mi Sadina boen ma

 

Tek' mi jeje

 

Dan mi toe sa doro joe lan-pe

 

Pe lobi de

 

Da m' sa koiri pe m'at' e singi

 

Ai, Sadina.

Mi dring'mi sopi
San de mor' a grontapoe f' doe
Sopi mi m'abi
Foe kan fir' prisiri
Sopi, gi m' sopi mek' mi fir' boen.

Mi n'abi sorgoe
Mi n'abi goedoe
Wan enkri trowstoe
Mi wefi, mi p'kin
Sopi, foer' 'sopi dat' mi wani
Foe kant'a m'ede was' mi skin
Sopi foe fr'giti.....
Foe mek' mi fir' boen.

Te m'e kon
Te m'e dans' a tap' a pasi
Te m' foetoe n'e mit' gron
loek' boen oen wai pasi
Bika mi dring' mi tranga dran
Na omoe snes' a tap' oekoe
Dape grontapoe loek' moro boen.

[p. 24]

den soela

 

Mi wan'si den soela,

 

Jere fa d'e bari.

 

Farawe den singi e kari,

 

Di m'ati e naki f'frede te.

 

 

 

Mi wan'si den gran soela d'e bari

 

Den skoema-ede foe Soleston.

 

Mi wan' si san e mek'den bari.

 

Par'mi boto, m'e pari kon

 

 

 

Jere loekoe san e koekoe kon.

 

Skoema watra, weti so ‘faa’

 

E na loktoe d'e panja kon bradi

 

Foe bergi ede te tap' den ston.

 

 

 

A n' abi dé, a n'abi neti.

 

Nanga winti a de regeri so

 

Na moro tranga son a n'e teri.

 

Te neti doro, d'a moro a de regeri.

 

Moenkenki no man fréri en.

 

 

 

Soela, no regeri so.

 

Joe no moe de mi grebi.

 

Joe n'e prakseri mi kroejara smara.

 

Mi no wan'foe de na j'ondro lek' Boni, mi brada.

 

Mi na wakaman, mi sabi.

 

Foeroe famiri gi joe grani.