Schriftuerlicke liedekens met noch sommighe lofsangen ende ghebeden

Een Christelick Liet, waer in men biddet om een salighe ure des doots.

Na de wijse: O Iesu zaert, Godlicker aert.

HElpt my O Heer, ^aick bidde seer
Wilt doch van my niet wijcken
Als ons sterven, ^bmet haer conserven
De doot tot my coemt ^cstrijcken
So stercket my, ^ddat bidde ick doch dy
Bekenne mijne ^eHeere
Door uwe reyne ^fleere
Met my dan strijt, ^gals coemt dien tijt
Dat inden noot, die bitter doot
Met my wil nijdelick ^hwringhen
Dat lijden swaer, ⁱbenout my gaer
Laet my dit niet mislinghen.

Na dien ghy zijt, Iesu altijt

Den wech, waerheyt, ^ken t'leven
Helpt my ^ldat ick mach sekerlick
V gantschelick ^movergheven
Dat ick met spoet, ⁿdese wech goet
Bereyt mach zijn, ^owandelen
En altijt deucht te ^phandelen
T'vleesch is rebel, ^qal wil ick wel
Ten wilter niet an, hem beeft daer van
Met ^rtraecheyt ist beladen
Tot uwen lof, ist plomp en grof
O Heere keert my van ^sschaden.

a Psal.1.31
Psalm 7.1.

b Heb.9.27.

c Gene.3.19

d Psal.107.

e Rom.10.9.

f Esa.28.6.

g Psalm 23.

h Ozee 13.14

i Psal.25.10

k Ioan.11.25

l Psal.31.6

m Luc.23.46

n Rom.8.23

o Mat.11.30

p Galat.2.3

q Rom.7.19

r Luce 22.44

s Matt.6.13.

[fol. 347v]

 

O heylighe Gheest, coemt aldermeest

 

Als siele en lijf ^tmoet scheyden

 

Als de doot bijt, en zijt niet wijt

 

Wilt my recht wel ^vbereyden

 

So werd' ick ghesont, ter selver stont

 

Om int gheloove ^xwaren

 

By u Enghelsche ^yscharen

 

Dat lieve Heer, ick wel ^zbegheer

 

Staet my by ghy, dat ick mach vry

 

Van u ontfanghen ^awerden

 

Vader bemint, ick ben u ^bkint

 

Neemt my van deser ^ceerden. Amen.

t Psal.91.15

v Psal.16.9.10

x Hebr.11.

y Phil.3.20

z Phil.1.22.

a Rom.8.15

b Matth.6.9

c Luce 2.29