Schriftuerlicke liedekens met noch sommighe lofsangen ende ghebeden

[Ghy Christen gheesten, weest nu verblijt]

Na de wijse: Vanden lustelicken Mey.

GHy Christen gheesten, ^aweest nu verblijt
En wilt vrolick ontwaken
Ons is ^bgheboren des seker zijt

a Rom.13.13

b Mat.1.25.
Luce 2.11.

[fol. 104v]

 

Ons verlosser voor alle saken

 

Dus wilt hem lof, prijs en eere bien

 

Hy heeft ons ^cellende aenghesien

 

Daer wy so deerlick in laghen

 

Onsen ^ddruck coemt hy verjaghen.

 

Abrahams ^ebelofte is nu volbracht

 

Wt Iacob is opgheresen

 

Een ^fsterre, na dat hebben gheacht

 

D'oude ^gVaders, also wy lesen

 

Heylich, ^hheylich is hy, t'Goddelick zaet

 

Emanuel, ⁱeen Licht d'welck niet en vergaet

 

Dat inde ^kduysternisse is ghecomen

 

Een licht tot onser vromen

 

Adams ^lval heeft hy opgherecht

 

Dus laet ons zijnen lof vermonden

 

Onse ^msonden aen t'hout des cruycen gehecht

 

Ons ghenesen door zijne wonden

 

Hy is ⁿt'begin, d'middel, en d'eynde me

 

Alpha ende O, zijnen eewighen vre

 

Wilt hy ons minnelick schencken

 

Laet ons hem belijden sonder mencken.

 

Laet ons loven den Heere groot

 

Die hem selven heeft ^owillen verneren

 

Te sterven ^pvoor ons den doot

 

Om dat hy onsen ^qpays sou confirmeren

 

D'welck hem ^roprechte liefde riet

 

Dus singt den Heere een loffelick liet

 

Al dat leven heeft vercreghen

 

Loof den Heere in alle weghen.

 

Den ^soppersten Prince seer excellent

 

Looft met Psalmen en ghebeden

 

Zijn ^tGoddelick woort zijt obedient

 

So coemdy inde Hemelsche steden

 

Daer ^vvreuchde is sonder eynde claer

 

Die voor elcken bereyt is voorwaer

 

Die ter werelt zijn woort beleven

 

Sal hy zijn rijcke gheven.

c Eph.2.5.

d 1.Tim.4.5.

e Gen.22.18

f Nu.24.17.

g Esa.64.1.

h Esa.6.3.

i Esa.7.14.

k Ioan.1.4.
Math.1.25

l 1.Cor.15.22

m 1.Pet.1.24
Esa.53.5.

n Apo.1.8.
Esa.40.4.

o Phil.2.7.

p Colo.2.14.

q Eph.2.15.

r Ioan.3.16.
Ioan.4.9.

s Psa.149. 150

t Iaco.1.21.

v Esa.64.4.
Cor.2.29.