Schriftuerlicke liedekens met noch sommighe lofsangen ende ghebeden

[Dits mijn gheloove, richters eendrachtich]

Na de wijse: Hoe ydele O God zijn alle menschen.

DIts mijn gheloove, richters eendrachtich
Ghy die my verdoemt, en noemt verblent
Wy ghelooven in eenen God almachtich
De welcke ghy selve niet en kent
Schepper ^avan hemel ende aerde present
Met alle dinghen sonder yemants advijs
Dies alle tonghen moeten hem geven prijs.

Oock so ^bgheloof ick in zijnen sone

Die hy vander ^ceewicheyt heeft ghebaert
Een rechte ^dbeelt zijns wesens schoone
Van zijnder eyghen substantie ende aert
T'warachtich ^ewoort, t'dient verclaert
Waer door oock alle dinghen divijn
In hemel ^fen aerde gheschapen zijn.

En sonder hem ^ggheenderhande saken

En zijn ghemaect, dies hem Salomon reyn
Godes ^hwijsheyt noemet sonder slaken
Ende den eersten ⁱgheboren voor elck ghemeyn
De welcke God de Vadere certeyn
Beloofde ^kAdam, en zijn zaet eenpaer
Doen hy lach ghevallen in sonden swaer.

Voort ^lAbraham, en David mede

Heeft hy de selve beloften ghedaen
Segghende: als ghy sult slapen in vrede
Sal ick u een zaet verwecken gaen
Dat van uwen lijve op sal staen
Waer deure, so hy voordere belijt
Alle ^mgheslachten zijn ghebenedijt.

Dit so beken ick te zijn al voren

Christus Iesus de ⁿSone Gods oprecht
Die wten zade Davids is gheboren
Ter ^ovolheyt des tijts, so Paulus secht
Dies hem Esaias noemt ^pGods knecht

a Genes.1.8.
Colos.1.16.
Psa.23.6.

b Ioan.5.24

c Psa.2.7.

d Acto.2.33.

e Ioan.1.1.

f Colo1.16.

g Ioan.1.1.

h Prov.8.23

i Colo.1.15.
Acto.17.26.

k Gene3.15

l Gene15.4.
Rom.9.5.
Gala.3.16.

m Gen.12.18

n Rom.1.3.
Acto.2.30.

o Gala.4.4.

p Esa.53.11.

[fol. 79v]

 

Ende Paulus wt den selven heesche

 

Een ^qsone Davids na den vleesche.

 

Nae dien de ^rkinders, seydt [Paulus] reene

 

Vleesch ende oock bloet nu hebben hier

 

Is hy der selven mate geworden gemeen

 

Op dat hy door de ^sdoot sou nemen fier

 

Die des doots gewelt hadde bin dit [rosier]

 

T'welcke was de Duyvel alst is besocht

 

Dies hy ons vant ^tknechtschap heeft ghecocht.

 

Door desen ^vIesum ken ick [t'mijnder] vraem

 

Verlost te zijne, van ^xsonde en doot

 

Dies hy ghestorven is t'onser onblam

 

Hier oock victorieus verresen minioot

 

Gheen ^yAdvocaet en ken ick ter noot

 

Dan den selven Iesum Christum playsant

 

Sittende ^ztot zijns Vaders rechterhant.

 

Oock gheloof ^aick inden heylighen Gheest

 

Descenderende vanden Vader en den Soon

 

Die voor ons ^bbidt bin shemels foreest

 

Ende ooc ons versekert van Gods throon

 

Sonder wien niemant Christus en is ydoon

 

Een ^cHeere te noemen laetst noch eest

 

Dan door den selven heylighen Gheest.

 

Voort soo beken ick, wilt dit in prenten

 

Dat ons Christus Iesus wt s'Vaders woort

 

Heeft ^dinghestelt twee Sacramenten

 

Te wetene, van Doop en t'Nachtmael hoort

 

Inden Doop zijn wy versekert tot ons confoort

 

Dat wy ghereynicht zijn al in zijn bloet

 

T'welck ons t'watere beteeckenen doet.

 

Int Nachtmael ^ewy Broot en Wijn ontfanghen

 

Waer in wy leeren dat Christus by dien

q Rom.1.3.

r Hebr.2.14.
Phil.2.7.

s Colo.2.15.
Matt.12.29.

t Heb.2.15.

v Eph.1.7.

x Colo.1.13.
Ephes.1.20

y 1.Ioan.11.
1.Tim.2.5.

z 1.Co.15.27
Gene.1.2.

a Ioan.15.26.

b Ro.8.26.

c 1.Cor.12.3

d Mat.28.19
Luce 22.19.
1.Pet.3.21.

e Mat.26.25

[fol. 80r]

 

Hem heeft ghegheven in s'doots verstranghen

 

Voor ^fonse sonden, dies het moet geschien

 

In zijnder memorie, naer Paulus belien

 

Want so wy veel coornkens zijn een broot t'saem

 

So zijn wy met Christo een lichaem

 

Eenen ^gechten staet ick moet verbreyden

 

Bekennen wy: dats een man en een wijf

 

En om ^hgheen sake sy twee te scheyden

 

Dan ⁱom fornicatie, verstaet t'motijf

 

Een ^kverrijsen oock van dit selve lijf

 

Een ^leewich leven verwachten wy hier

 

Maer voor den ^mquaden het helsche vier.

 

Coninghen, Princen, en Overheden

 

Willen wy ⁿom Gods wille zijn subject

 

Tol ^oen chijns gheven in allen steden

 

Den ^pquaen als den goen, het moet zijn ontdect

 

Maer indien men ons conscientien bevlect

 

Met yet teghen ^qGod ons te ghebien

 

Daer in en willen wijse niet aensien.

 

Geenderhande leere om leven noch sterven

 

En willen wy buyten Gods woort ontfaen

 

Noch ^rdoor geen ander salicheyt verwerven

 

Dan door ^sIesum Christum den stoel der ghenaen

 

En na zijn gheboden hoort dit vermaen

 

Willen wy wandelen, maer daert ons mist

 

Begeeren wy ^tgenade door Iesum Christ.

 

Oorlof hier mede Richters en Heeren

 

Ghy die my vervolcht sonder avijs of raet

 

Wilt hier inne onse gheloove leeren

 

En u ^vhielen niet teghen t'scheers en slaet

 

Versaect met ons s'Paus leeringhe quaet

 

Ende andere ghemeynten, dit wel nooteert

 

Die op ^zGods woort niet en zijn ghefondeert.

f 1.Co.11.24
1.Cor.10.21.

g Gene2.24.

h Mat.19.6, 1.9.

i Thes.4.3.

k 1.Co.15.20

l 1.Cor.2.9.

m Mat.25.46

n Rom.13.1.

o Mat.22.21

p Pet.2.18.

q Acto.4.9.

r Acto.4.12.

s Heb.4.16

t 1.Ioan.2.

v Acto.9.5.
Acto.5.39.

z 1.Cor.3.10