Schriftuerlicke liedekens met noch sommighe lofsangen ende ghebeden

[Als ick ghedencke O liefste lief verheven]

Op de wijse: O God almachtich Vader van hier boven. Of, tyrannich werck vol archs, etc.

ALs ick ghedencke ^aO liefste lief verheven
V ghetrouwighe liefde tot my u bruyt
Ick moet sulcx elcken te kennen gheven
En segghen met David door vreuchts virtuyt
Al wat adem heeft, ^bnoort, west, oft zuyt
Met elck conduyt
Prijst mijnen Bruydegom seer delicaet
Want zijn genade boven zijn wercken gaet.

Dat moet ick belijden met herten ende sinnen

a Iere.32.3.
Can.2.4.

b Psa.150.9

[fol. 21v]

 

O triumphantelick lief, roose verwe root

 

Want daer ick lach t'mijnder ^congewinnen

 

Door s'vyants bedroch inde ^deewige doot

 

Hebdy my bewesen een liefde minioot

 

Voor cleyn en groot

 

Want inden vleesche, ^eO lief, zydy geopenbaert

 

Om my te verlossen daer ick me was beswaert.

 

Prijsen, eeren, loven, ende ^fgebenedyden

 

Mach ick u hier wel van, O Bruydegom reyn

 

Want gheen creatuere en mocht ^gmy bevryden

 

Alsoot blijckt aen David en Abraham certeyn

 

Die alle ^hhoopten met een verlanghen gemeyn

 

Op u coemste alleyn

 

Want geen offerhande ⁱen mochte haer baten

 

Om haer te brenghen in s'hemels saten.

 

Maer u ^konschuldighe doot Heer der heyrscharen

 

En wtstorten ws precieusen bloet

 

Heeft ons verlost van s'vyants beswaren

 

Ende hem ^ltriumphantelick geleyt onder de voet

 

Heylich, heylich, o bruydegom ick seggen moet

 

Door sulck voorspoet

 

Die my toecomen in corter stont

 

Want met uwen ^mVader hebdy my versoent.

 

Nu soo is de Duyvel met zijn ⁿcracht verslonden

 

Ia doot, helle met al haer ghewelt

 

My en mach schaden ^ogeen voorleden sonden

 

So ghy claer tot my door u woort vertelt

 

Want u gerechticheyt seer hooghe ghemelt

 

Ghy my toe telt

 

Dus vraech ick onder liefhebbers eenpaer

 

Of sy sulck een liefhebben voorwaer.

c Rom.3.25.

d Ezec.16.6.

e Tim.3.16.

f 1.Cor.1.4.

g Heb.9.10.

h Gene.22.
Gene.17.

i 1.Reg.7.47.
Hebr.9.8.

k 1.Pet.1.19
1.Petr.2.24.

l Colo.2.14.

m Eph.1.3.
Eph.2.16.

n 1.cor.15.54
Hebr.13.14.
Rom.8.35.

o Genes.17.

[fol. 22r]

 

Dus O dochter van ^pBabel wilt eens afkeeren

 

Van u vreemde Lieven seer vele int lant

 

Want die sullen u brengen al int verseeren

 

Dus aenhangt mijn liefste lief playsant

 

Want hoe wel hy was in den ^qHemel constant

 

En als God triumphant

 

Achte hy geen ^rroof voor groot noch cleyn

 

Maer nam aen de ghestalte eens knechts ghemeyn.

 

Dus dancke ick u O lief met een verjolijsen

 

Want doen u blijschap ^swas voren geleyt

 

Koost ghy versmaetheyt om ons te wijsen

 

Den wech die ghy totten leven hebt bereyt

 

Dus alle ^tgehoorsaemheyt so David seyt

 

Sonder onderscheyt

 

Moeten wy u doen al sout ons schaen

 

Want den selven padt zydy voren gegaen.

 

Princelick Princier boven alle Lieven

 

Moet u gheschieden ^vglorie ende prijs

 

Die ons ghelaten hebt in vele Brieven

 

Vwen claren wille voor een eewich advijs

 

Ende oock gheschoncken uwen ^xGheest wijs

 

Daer toe propijs

 

Ons te versekeren uwen woorde claer

 

Dies u lof moet geschien van ^yelcke schaer.

God werckt den wille,

Ende tvolbringhen.

p Iere.3.22.

q Ioan.3.31

r Phil.2.6.

s Heb.13.15.

t Hebr.13.15
Psal.28.5.
Rom.8.3.

v Apoc.5.12.4.11.

x 2.Cor.1.22.

y Psa.103.20