Schriftuerlicke liedekens met noch sommighe lofsangen ende ghebeden

[fol. 16r]

[Ach God aenhoort ons claghen]

Na de wijse: Rijck God wie sal ick claghen.

ACh ^aGod aenhoort ons claghen,
V cuddekens nu by staet,
Diemen nu siet verjaghen
Wt Antwerpen door nijdighen haet,
Van Bels gheslachte seer koene,
Die Pharao zijn versaemt,
Om u hoopken te niet te doene,
V Heere maecktse doch ^bbeschaemt.

Want ghy door u ghenade

V Ghemeynte hier hebt gheplant,
Beschermtse vroech ende spade
Wy betrouwen op u, o God valliant,
Dat ghy niet en sult ghehinghen,
Al lijdt ^cu cleyn hoopken verdriet,
Dat zijt te niete sullen bringhen,
Want ghy haren raet aensiet.

Wy bekennen, o God verheven,

Dat onse sonden die schulden zijn
Dat wy dus worden verdreven,
V Heere wilt u ^daenschijn
Van onse sonden keeren
V ghenade ons aenschout
Vwen lof sullen wy vermeeren,
Hoe seere wy worden benout.

Sterckt ons met uwen Gheeste,

Op dat wy tot alder tijt,
Teghen de ^eBabylonische beeste
Vromelick gaen al inden strijt:
V cracht laet in ons blijcken,
Wy die u hantwerck zijn,
En laet ons gheensins wijcken
Van u edele woort divijn.

V Werck in ons begonnen,

Wilt o ^fHeere volbrenghen wel,
Dat Antichrist mach zijn verwonnen,
Die u hoopken aen doet ghequel:
Wy zijn bereyt, o Heere,
Vwen Naem te belijden hier.

a Psa..55.9.16

b Psal.35.4.

c Luc.12.32.

d Psa.51.17

e Apoc.13.7.
Dan.7.21.

f Phil.2.13

[fol. 16v]

 

Al ist dat sy ons ledekens teere

 

Verdrucken ^gdoor sweert end' vyer.

 

Al heetmen ons te wesen

 

Oproerders, muytmakers quaet

 

Om den Naem ws Soons ghepresen

 

Verdraghen wijt vroech ende laet.

 

De knecht tot gheenen stonden

 

Beter dan ^hzijn meester en mach zijn,

 

O Heere vergheeft hen hare sonden

 

Ons vervolghers tot elcken termijn.

 

Noch zijnder die teghen ons spreken,

 

Segghende met woorden obstinaet,

 

Dat wy de ⁱOverheyt versteken,

 

Doende teghen des Keysers Mandaet.

 

Den ^kKeyser willen wy gheven,

 

So ons Christus doet vermaen,

 

Dat hem toebehoort in dit leven,

 

Gods ghebot boven al moet gaen.

 

Princelick God vol minnen

 

Onderricht ons al ghemeyn,

 

Op dat wy moghen verwinnen

 

Ons vyanden door u woorden reyn.

 

Wy bidden u alle ghelijcke,

 

V woort in ons herte prent,

 

So en sal ons s'werelts practijcke

 

Niet letten, noch haer torment.

g 2.Cor.11.23
2.Cor.6.4.

h Mat.10.24

i Rom.13.1

k Math.22.21.