Dit is een schoon suverlijck boeckxken, in denwelcken ghy vinden sult veel schoone leysenen, ende gheestelijcke liedekens

Een Nieu-Iaers Liet,

Op de wijse: Twas een goelijck Molenaer.

Maeckt jolijt, met vlijt,
In desen tijt, ghevrijt,
Sijn wy eenpaer,
Subijt, nu rijt,
Des Duyvels nijt, verfijt,
Wort hy nu claer,
Die maer is openbaer,
Hy ghijt, uyt crijt,

[p. 96]

 

Al ist hem spijt,

 

In desen nieuwen Iare.

 

Sonder bleyn en greyn

 

een kindeken cleyn, is pleyn

 

Ons middelaer,

 

Int gheweyn, alleyn

 

Is hy die Fonteyn,

 

Van den fleyn, gecomen ons naer,

 

Loopt daer toe alle gaer

 

’T gheweyn is reyn

 

Drinckt alle ghemeyn,

 

In desen nieuwen Iaer.

 

Een spruyt comt uyt,

 

In zijn virtuyt

 

Als cruyt, Iacobs staer

 

Van tribuyt, omsluyt

 

Hy ons ‘tbeduyt,

 

Overluyt, der Engelen schaer

 

Gheen aer, is ons leeraer

 

Die Wet ruyt, besluyt

 

Sijn teere huyt,

 

In desen nieuwen Iaer.

 

Ons prelaet, ons baet

 

Ons Advocaet

 

Ons raet, ons exempelaer

 

Ontfaet, ons ghewaet

 

Wt charitaet

 

En gaet, na lijden swaer

 

Ons daer, is hy voorwaer

 

Ghehaet, versmaet

 

O ons misdaet

 

In desen nieuwen Iaer.

 

Prins jent, bekent

 

Wt ‘sHemelsch tent

 

Gement, na ’t Cruys ontaer

 

Gheschent, present

 

Keel pacient

 

Ghepent, stijf als een snaer

 

Ons chaer, van lijden swaer

 

Excellent, ghewent

 

Gantsch innocent

 

In desen nieuwen Iaer.