Dit is een schoon suverlijck boeckxken, in denwelcken ghy vinden sult veel schoone leysenen, ende gheestelijcke liedekens


Een nieuwe Iaer:
Op de wijse: Lamour de moy. Looft Godt den Heer, En geeft hem prijs en eer Door zijn Heylighe leer Die ons tot neer, Comt als een kindeken teer, In druck in seer, Om ons voort meer Vant jock te vrijen Door zijn heylighe lijen Noyt blijder maer, En quam ons openbaer Int nieuwe Iaer. Een kindeken cleyn, Is ons ghebooren pleyn, Een vruchtbaer greyn Hy die alleyn Ons maect van zonden reyn Ende anders gheyn Ons is certeyn Een Soon ghegheven door hem comt ons dat leven Noyt blijder maer. Glorie en spel Sy Godt van Israel Int hooghste ghestel Na s’Vaders bevel Ghenoemt Emanuel Voor yemant el, In vrede snel, Alle Menschen stille Die zijn van goeden wille Noyt blijder maer. Den achtsten dagh Men ‘tKint besnijden sagh,
[pagina 97]
Hier al vermach, So als men plach Hy en names gheen verdrag ‘Treyn oogh op slagh Ons doet ghewagh, De Schriftuer Claer, suyver en puer Noyt blijder maer. Symeon blint Wert siende voor dit kint, Dit wel versint, Die ons bemint Maeckt al ons druck ten int ‘Tverstant in print O Heere ontbint, V knecht in vreden, Door u Goddelijcke reden Noyt blijder maer. Princelijck licht Ons ‘thert in deugden sticht Die zonde swicht Claert ons ‘tghesicht Die deugden den vermenight Aen-hoort ons dicht, Den Gheest opricht In liefden vyerigh Nae uwen wille bestierigh Noyt blijder maer.