Dit is een schoon suverlijck boeckxken, in denwelcken ghy vinden sult veel schoone leysenen, ende gheestelijcke liedekens

[Wie wil mede toe Bethlehem]

Wie wil mede toe Bethlehem,
Kyrieleyson.
Daer vint men den Coninc van Iesusalem,
Alleluya, Alleluya, Alleluya,
Gelovet sy de reyne Maget Maria,
Alleluya. Gelovet, etc.

Esaias propheteerde ons aldus,

Kyrieleyson,
dit lieve kint sal heeten Iesus,
Alleluya
Tot love so willen wy danssen En springhen.
Gloria in excelsis Deo singhen.

Nu hebben wy dat kindeken ghevonden,

Kyrieleyson,
In snoode doeckelkens gewonden
Alleluya, Alleluya, Alleluya,
Ghelovet sy de reyne Maget Maria Alleluya.
Gelovet sy die Maghet Maria.