Dit is een schoon suverlijck boeckxken, in denwelcken ghy vinden sult veel schoone leysenen, ende gheestelijcke liedekens

Hier na volghen noch veele schoone suyverlijcke Leysenen, Hymnen, ende Gheestelijcke Liedekens, die eensdeels noyt in druck en zijn gheweest, ende nu wederom in den lesten druck vermeerdert.

Een Advent Liedeken,

[p. 91]

Op de wijse: Vent Redemptor gentium.

Tverlangen der voorvaderen jent,
was groot int oude testament,
Na tvrouwen zaet aldaer belooft,
dat kneusen soude ’t Serpenten hooft.

Abraham wort toegheseyt,

dat in zijn zaet soude worden bereyt,
Ghebenedijdingh der Heydenen al,
Ende aller geslachten int aertsche dal.

’t Scepter van Iuda blijft ongheschent,

Ter tijt dat Godt Messiam sent,
Dit wort van alle menschen verwacht,
sprac Iacob claer tot sijn geslacht.

Iesses wortel sal spruyten schoon,

Een maegt sal baren eenen soon,
heeft Esaias gepropheteert,
Van ’t Lam dat de Weerelt regheert.

Die Pastriarchen riepen seer,

scheurt doch die wolcken,
laet comen neer,
En sent waer wy op wachten nach,
Verhoort Heer God doch ons geclagh.

Int doncker sitten wy alle ghemeyn,

In doodes schijn groot ende cleyn,
Na Iacobs ster, wy hopen claer,
Wilt die vertoonen int openbaer.

Kermen en suchten hebben ons bevaen,

Sent ons heer troost door dijn genaen,
laet ons verschijnen tbeloofde licht,
dat gy van aen begin hebt gesticht.

Den Hemelschen Vader sy lof en prijs,

Wilt loven met hen zijn soon propijs,
Tsamen met den heyligen Gheest gedaelt,
op Marta reyn maghet onghefaelt.