Dit is een schoon suverlijck boeckxken, in denwelcken ghy vinden sult veel schoone leysenen, ende gheestelijcke liedekens

[p. 89]

Den Cxxvij. Psalm: Beati omnes qui timent, Een Liedt in den hooghen.

Na de wijse: Die Nachtegale die sangh een Liet, dat leerd’ ick.

Saligh zijnse hier op Aerden levende
Al die de vreese Gods zijn aenclevende,
Die gaen al in mijn weghen, ter deghen
Al na sijn woort, so dat behoort,
Dat s hier hebben vercreghen.

Den arbeyt uwer handen, ghy hier eten sult

En ghy sult dan mits desen, ghepresen
Saligh altijt, u dies verblijt,
Seer wel sal u dan wesen.

V Wijf ghelijck een Wijngaert-ranck vol van druyven soet,

Die overvloedigh brenght haer vruchten met der spoet,
Is sy, ghy moghet wel weten, gheseten
Aen uwen want, seer vast gheplant,
Dit heeft die Heer gheheeten.

V kinderen die u Godt is toevoeghende,

Daer in ghy meught u wel wesen ghenoeghende
Als planten van Olijven, beclijven,
Aen uwen disch, sy staen ghewis,
Dus wilt u Godt gherijven.

Dus siet hoe dat de Mrensch hier wert ghebenedijt,

Hoe dat die Heere hier boven hem altijt verblijdt,
Die can den Heer der Heeren, so eeren
Dat hy altoos, hoort zijnen voys,
Sijn vreese wil hantieren.

V moetmen gebenedijen God met zijner stem,

Dat hy mocht sien die gooden van Ierusalem,
Wt Syon uytvercooren, wilt hooren

[p. 90]

 

Die Heere gheeft, so langhe ghy leeft,

 

Dees gratie u te vooren.

 

En ghy met uwen oogen weest beschouwende,

 

De Kinders dijnre kinderen menighfouwende,

 

Dat sy al hier dy namen versamen,

 

In Israel verstaghet wel,

 

Altijdt met vreden.

Amen.

Dese Liedekens ende Leysenen sijn ghevisiteert, om ghedruckt ende vercocht te worden, door Mr. Heyndrick van den Donghen Canonick, uyt bevel van den Bisschop van Antwerpen, den xvij. November, int Iaer M.D.LXX.

Finis.