Dit is een schoon suverlijck boeckxken, in denwelcken ghy vinden sult veel schoone leysenen, ende gheestelijcke liedekens


[Het gheviel op eenen donderdagh]
Op de wijse: Christi qui lux et dies. Het gheviel op eenen donderdagh, Daer Christus hoorde ons gheclagh, In Schriftueren was ghesloten Dat hy een nieu Testament versagh, Dat oude heeft hy ghebroken. Hy heeft daer, waer ist ende openbaer Die uyt den Hemel was ghecomen claer, Ghebooren van eener Maghet, Ende heeft dryendertigh Iaer, Die zielen ghesocht, verslaghet. Hem selven ghelaten al in dat schijn Van den broode, ende van den Wijn, Gaf hy met zijnen handen
[pagina 83]
Sijn lichaem gelevert, ‘tbloet moeste gestort zijn, Dat waren twee diere panden. Hy gaf hem selven in een present, In spijse, en dranck, seer excellent, Der zielen, om te schencken, Ontspringht, ende singht lof Sacrament Wy willen ws ghedincken. Aenschout dat broot der Enghelen soet Ghegheven den Mensche voor haer behoet Het sal u ziele stercken, Verwaren in allen teghenspoet, Ende leeren u deughden wercken.